"ამიერიდან ჩემი ამბიონი იქნება რუსთაველის გამზირი", — ამის შესახებ სოციალურ ქსელში არქიმანდრიტი დოროთე ყურაშვილი წერს. ის საზოგადოებას მიმართავს, რომ ყველას ელოდება 8 საათდან.

"ყოველ ხუთშაბათს, პირველ საათზე, წმ. სპირიდონის პარაკლისს ვიხდიდი ქვემო ბეთლემში, მაგრამ ამბიონი წამართვეს და ხალხს ვერ ვხვდები ტაძარში. ამიერიდან ჩემი ამბიონი იქნება რუსთაველის გამზირი.

გელოდებით ყველას დღეს 8 საათიდან.

ყოველდღე — ბო ლო მდე", — წერს არქიმანდრიტი დოროთე ყურაშვილი სოციალურ ქსელში.

გუშინ, 29 ოქტომბერს, საპატრიარქოს ეპარქიულმა კომისიამ ილია II-ს მიმართა, რომ არქიმანდრიტი დოროთე ყურაშვილი "გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში." კომისიამ ამ გადაწყვეტილების მიღების მიზეზად კომისიის უგულებელყოფა, შეურაცხყოფა და კვლავ არასაპატიო მიზეზით გამოუცხადებლობა დაასახელა.