თავისუფალი ზონის წევრმა, ონისე გერგედავამ თბილისის კონსერვატორიის შენობიდან რუსეთის ფედერაციის დროშა ჩამოხსნა. ფეისბუქის საკუთარ გვერდზე ის ვიდეოს ავრცელებს, სადაც ჩანს თუ როგორ მიიტანა კიბე, დროშის ჩამოსახსნელად, შემდეგ კი განაცხადა, რომ არ შეეგუება ოკუპანტის დროშას საქართველოში:

"ოკუპანტის დროშა რომ საქართველოს სახელმწიფო შენობაზე ფრიალებს ეს სირცხვილია. ეს არის დამონება".

აღნიშნულ ფაქტზე On.ge დაუკავშირდა შინაგან საქმეთა სამინისტროს. უწყების ცნობით, სამართალდამცავებს არავინ დაუკავებიათ.