დღეს "თბილისის აბრეშუმის გზის ფორუმის" ოპერის თეატრში გაიხსნა. ის 2 წელიწადში ერთხელ, 2015 წლიდან იმართება. ორი დღის განმავლობაში 7 თემატური პანელური დისკუსია გაიმართება და მასში 73 ქვეყნიდან ჩამოსულ 2300-ზე მეტ მაღალი რანგის სტუმარი მიიღებს მონაწილეობას.

"თბილისის აბრეშუმის გზის ფორუმი" "ოცნების" პრემიერმა, ირაკლი კობახიძემ გახსნა, მან განაცხადა, რომ "თბილისის აბრეშუმის გზის ფორუმი ყოველთვის იყო და იქნება რეგიონული დიალოგის უმნიშვნელოვანესი პლატფორმა".

"განსაკუთრებით მიხარია, რომ დღეს ჩვენთან ერთად იმყოფებიან ჩვენი მეგობარი და სტრატეგიული პარტნიორი ქვეყნების — სომხეთისა და აზერბაიჯანის პრემიერ-მინისტრები. თქვენი აქ ყოფნა კიდევ ერთხელ ადასტურებს, რომ სამხრეთ კავკასიის ქვეყნებს გვაქვს საერთო ხედვა - ერთობლივი ძალისხმევით ვაქციოთ ჩვენი რეგიონი მშვიდობის, სტაბილურობისა და ეკონომიკური შესაძლებლობების სივრცედ.

თბილისის აბრეშუმის გზის ფორუმი ყოველთვის იყო და იქნება რეგიონული დიალოგის უმნიშვნელოვანესი პლატფორმა. ასევე, ძალზე გვახარებს მაღალი რანგის სტუმართა ჩამობრძანება ევროპიდან, ცენტრალური აზიიდან თუ მსოფლიოს სხვა კუთხეებიდან, ავტორიტეტული საერთაშორისო ორგანიზაციებიდან, მათ შორის აზიის განვითარების ბანკის ვიცე-პრეზიდენტისა და გაეროს გენერალური მდივნის მოადგილის მონაწილეობა, რაც ამ ფორუმს გლობალურ მასშტაბს სძენს", — განაცხადა კობახიძემ.