ლონდონის უნივერსიტეტის საჯარო სამართლის პროფესორისა და ექსპერტის, ჯეფრი ჯოუელის განცხადებით, კონსტიტუციური კანონის პროექტი საკმაოდ "შთამბეჭდავია". ეს განცხადება მან ვენეციაში გააკეთა:

"ვფიქრობ, რომ ეს ძალიან შთამბეჭდავი პროექტია, რომლის მიზანია, საქართველოს კონსტიტუცია გახდეს ერთ-ერთი ყველაზე საუკეთესო, თანამედროვე კონსტიტუცია მსოფლიოში, რა თქმა უნდა, საქართველოს კულტურაზე დაყრდნობით", - ჯოუელის კომენტარის თარგმანი საქართველოს პარლამენტმა გაავრცელა.

მისი თქმით, პროექტის დებულებები ადამიანის უფლებებისა და კანონის უზენაესობის დასაცავად არის მიმართული:

"არის უნივერსალური ჯანდაცვის უფლება, გარემოს დაცვა და სხვა. ეს არის ძალიან მნიშვნელოვანი უფლებები, რომლებიც არ არის სხვა ქვეყნების კონსტიტუციების უმრავლესობაში. ისინი გარანტირებულია ზოგიერთ თანამედროვე კონსტიტუციაში, მაგრამ არა ყველგან, და ეს ძალიან შთამბეჭდავია".

დღეს, 6 ოქტომბერს ვენეციის კომისიის პლენარული სხდომა გაიმართა, სადაც კომისიამ კენჭი უყარა კონსტიტუციის ცვლილებებზე საბოლოო დასკვნას, რომელიც რამდენიმე დღეში გამოქვეყნდება.