სამართალდამცველებმა გუშინ, საპროტესტო აქციაში მონაწილე ორი ქალი — ნინო სვანიძე და ლარა ნაჭყებია დააკავეს.

შსს-ს ცნობით, სვანიძეს ბრალად ედება გზის გადაკეტვა, ხოლო ნაჭყებიას — აქციის დროს სახის დაფარვა.

იურისტი ნიკა სიმონიშვილის თქმით, დაკავება უკანონოდ მოხდა. მისივე განმარტებით, მტკიცებულება არავის ჰქონია და ამ ნაბიჯს "არავითარი სამართლებრივი ახსნა არ აქვს."

"სრულიად უკანონოდ მოხდა დაკავება. ადამიანს დაადგნენ სახლში დასატერორებლად იმისთვის, რომ პოლიციის განყოფილებაში გადაეყვანათ მაშინ, როცა არავითარი საფუძველი არ იყო. როგორც თვითონ პოლიცია ამბობს, მას ედავებიან იმას, რომ შარფი ეკეთა და იდგა ტროტუარზე. ანუ გზის გადაკეტვასაც არ ედავებიან, რასაც მთელი ეს პერიოდი პროპაგანდით ავრცელებდა ქართული ოცნება. წარმოიდგინეთ სიბოროტის და სიგიჟის მასშტაბი, რასაც ოცნება აკეთებს. ეს არის ტერორის ახალი მასშტაბი, სრულიად გაუგონარი, რასაც, რა თქმა უნდა, არავითარი სამართლებრივი ახსნა არ აქვს. მტკიცებულება არავის ჰქონია. პოლიციასაც ვეკითხებოდით, ვინ დაინახა, მაგრამ ვერ ამბობდნენ,"— თქვა იურისტმა ნიკა სიმონიშვილმა "ტვ პირველთან საუბრისას"