10 ოქტომბერს, 13:00 საათზე, 4 ოქტომბრის საქმეზე, შსს-ში მოწმის სახით გამოკითხვისა და ხმის ნიმუშის აღების მიზნით თავდაცვის ყოფილი მინისტრი ბაჩო ახალაია დაიბარეს. ამის შესახებ ინფორმაციას შსს ავრცელებს.

"4 ოქტომბერს, თბილისში განვითარებულ მოვლენებთან დაკავშირებით დაწყებული სისხლის სამართლის საქმის გამოძიების ფარგლებში, 2025 წლის 10 ოქტომბერს, 13:00 საათზე, მოწმის სახით გამოკითხვისა და ხმის ნიმუშის აღების მიზნით დაბარებულია 1980 წელს დაბადებული ბაჩანა ახალაია.

საქართველოს შინაგან საქმეთა სამინისტროს, ცენტრალური კრიმინალური პოლიციის დეპარტამენტში, მიმდინარე წლის 4 ოქტომბერს, თბილისში განვითარებულ მოვლენებთან დაკავშირებით დაწყებული სისხლის სამართლის საქმის გამოძიების ფარგლებში, 2025 წლის 10 ოქტომბერს, 13:00 საათზე, მოწმის სახით გამოკითხვისა და ხმის ნიმუშის აღების მიზნით დაბარებულია 1980 წელს დაბადებული ბაჩანა ახალაია", — ნათქვამია შსს-ს მიერ გავრცელებულ ინფორმაციაში.

4 ოქტომბერს, სამთავრობო ტელეკომპანია "იმედმა" გაავრცელა აუდიოჩანაწერი, რომლის მიხედვითაც, თბილისში არეულობების დაგეგმვაზე სავარაუდოდ პაატა ბურჭულაძე და ბაჩო ახალაია საუბრობენ. ჩანაწერის ავთენტურობა დადასტურებული არ არის. როგორც ტელეკომპანია იტყობინება, აუდიოფაილი ელფოსტის საშუალებით მიიღეს.