ოცნების პარლამენტის თავმჯდომარემ, შალვა პაპუაშვილმა ბრიფინგზე განაცხადა, რომ "მტკიცებულებები კიდევ უფრო გაბევრდა 4 ოქტომბრის სახელმწიფო გადატრიალების მცდელობის შემდეგ და უახლოეს მომავალში სარჩელით მიმართავენ საკონსტიტუციო სასამართლოს და მოითხოვენ ნაციონალური მოძრაობის და მისი ბრენდის ქვეშ მოქმედი სხვა ჯგუფების არაკონსტიტუციურად გამოცხადებას.

"ოთხმა ოქტომბერმა კიდევ ერთხელ მოგვცა მტკიცებულებების ზღვა იმისთვის, რომ მივმართოთ საკონსტიტუციო სასამართლოს და ჩვენ, რა თქმა უნდა, 4 ოქტომბრის შეუმდგარი სახელმწიფო გადატრიალებას ვუყურებდით არა მხოლოდ მართლწესრიგის აღდგენის კუთხით, არამედ ჩვენ და ჩვენი იურისტები, რა თქმა უნდა, უყურებდნენ ყველა დეტალს ამ პროცესისა, ვინაიდან დაემატა კიდე ერთ-ერთ მტკიცებულებად იმისა, რომ ნაციონალური მოძრაობა არის ექსტრემისტული ძალა, რომელიც ანტიკონსტიტუციური ქმედებებით ძირს უთხრის ქართულ დემოკრატიას და ქართულ სახელმწიფოს. ამიტომ 4-მა ოქტომბერმა კიდევ ეს დაადასტურა.

... მტკიცებულებები კიდევ უფრო გაბევრდა 4 ოქტომბრის სახელმწიფო გადატრიალების მცდელობის შემდეგ. რაც შეეხება თავად პროცესს, სარჩელს... ჩვენ უახლოეს მომავალში ამ სარჩელით მივმართავთ საკონსტიტუციო სასამართლოს და ვფიქრობ, რომ გვაქვს ძალიან მყარი არგუმენტები, რომ ნაციონალური მოძრაობაზე და მისი ბრენდის ქვეშ მოქმედ სხვა ჯგუფებზე მოვითხოვოთ არაკონსტიტუციურად გამოცხადება," — განაცხადა შალვა პაპუაშვილმა.