მე-8 პენიტენციური დაწესებულების ხელმძღვანელი, დავით გოგობერიშვილი, რომელმაც გიორგი ბაჩიაშვილის ცემის ფაქტის შემდეგ თანამდებობა დავით გოგობერიშვილი, გარდაცვლილი იპოვეს.

NEWS.On.ge-ს შსს-ში უთხრეს, რომ გამოძიება სისხლის სამართლის კოდექსის 115-ე მუხლით მიმდინარეობს რაც თვითმკვლელობამდე მიყვანას გულისხმობს.

14 ივლისს გავრცელდა ინფორმაცია, რომ თანაინვესტირების ფონდის ყოფილი ხელმძღვანელი გიორგი ბაჩიაშვილი გლდანის ციხეში სცემეს, კლინიკა "ვივამედში”კლინიკური დირექტორის, ზურაბ ჩხაიძის განცხადებით, ბაჩიაშვილი პარასკევს, 11 ივლისს, კლინიკაში სხეულის სხვადასხვა დაზიანებით შეიყვანეს. მისი თქმით, ბაჩიაშვილს ასევე აღენიშნებოდა ღია ჭრილობები თავის არეში. ჩხაიძის ცნობით, ბაჩიაშვილი კლინიკაში გადაყვანიდან რამდენიმე საათში უკან, ციხის სამკურნალო დაწესებულებაში დააბრუნეს.

თანაინვესტირების ფონდის ყოფილმა ხელმძღვანელი მოგვიანებით გაავრცელა წერილი, სადაც წერდა, რომ 8 ივლისს მე-8 დაწესებულების ხელმძღვანელმა, დავით გოგობერიშვილმა მოინახულა და ურჩია, რომ "ივანიშვილისთვის მთელი მისი საბანკო ანგარიშები, კრიპტოვალუტების ბრუნვები და ანგარიშის მისამართები გაეხსნა". მას შემდეგ რაც ბაჩიაშვილისგან უარი მიიღო, დაემუქრა. 11 ივლისს კი ის საკანში უცნობმა პირმა სცემა.

"ნოდარ მელაძის შაბათის" ჟურნალისტური გამოძიების ინფორმაციით, "თანაინვესტირების ფონდის" ყოფილი ხელმძღვანელი გიორგი ბაჩიაშვილი მე-8 დაწესებულებაში 28 წლის კახი მეტრეველმა სცემა.

ფაქტიდან ერთი თვის შემდეგ გოგობერიშვილმა და მისმა მოადგილემ თანამდებობა დატოვეს. 22 აგვისტოს კი, "პარადი განცხადების საფუძველზე" პენიტენციური სამსახურის ხელმძღვანელმა ბეჟან ობგაიძემაც დატოვა თანამდებობა.