ბერნდ ფიორინგერმა (გერმანია, EPP/CCE) და სტიუარტ დიქსონმა (გაერთიანებული სამეფო, ILDG) — ევროსაბჭოს ადგილობრივ და რეგიონულ ხელისუფლებათა კონგრესის თანამომხსენებლებმა საქართველოს ადგილობრივი დემოკრატიის საკითხებზე განცხადებას ავრცელებენ:

"ჩვენ ვგმობთ იმ ფაქტს, რომ ათწლეულების განმავლობაში პირველად, კონგრესი არ მიიწვიეს საქართველოში 2025 წლის 4 ოქტომბერს გამართული ადგილობრივი არჩევნების დასაკვირვებლად.

ღრმად ვწუხვართ, რომ საქართველოს ხელისუფლებამ არ გაითვალისწინა კონგრესის მრავალი მოწოდება დემოკრატიული საარჩევნო სტანდარტების აღდგენის მიზნით და არ განახორციელა ვენეციის კომისიის რეკომენდაციები, რომლებიც ადგილობრივი არჩევნებისა და საარჩევნო ადმინისტრაციის სამართლებრივ ჩარჩოს ეხებოდა — მიზანი თავისუფალი და სამართლიანი არჩევნების ჩატარების პირობების აღდგენა იყო.

როგორც თავად არჩეულმა წარმომადგენლებმა, კარგად გვესმის, რომ ასეთი პირობები შეიძლება უზრუნველყოფილ იქნეს მხოლოდ აზრის გამოხატვისა და ასოციაციის თავისუფლების სრულად პატივისცემით, ასევე სიცოცხლით სავსე სამოქალაქო საზოგადოების არსებობით — როგორც ამას მოითხოვენ ადამიანის უფლებათა კომისარი და საპარლამენტო ასამბლეა.

ამიტომ მოვუწოდებთ ხელისუფლებას, ჩაერთოს ჩაერთოს პოლიტიკურ დიალოგში ოპოზიციასთან და სამოქალაქო საზოგადოებასთან, რათა აღდგეს ნდობა საარჩევნო პროცესის მიმართ და გაძლიერდეს მმართველობა.

კონგრესი რჩება ერთგული საქართველოსადმი და მზად არის, შეძლებისდაგვარად დაუჭიროს მხარი მას — ევროპის საბჭოს წევრი ქვეყნის სტატუსიდან გამომდინარე — დემოკრატიის, ადამიანის უფლებებისა და კანონის უზენაესობის დაცვაში ადგილობრივ დონეზე,"— ვკითხულობთ განცხადებაში.