დღეს, არასამთავრობო ორგანიზაცია "საფარმა" და მანდატურების საქმეზე დაზარალებულმა მოქალაქეებმა პროკურატურას მიმართეს. "საფარი" მოითხოვს, რომ პროკურატურამ ძალადობის ფაქტებზე გამოძიება დაიწყოს. ამის შესახებ ინფორმაციას თავად არასამთავრობო ორგანიზაცია ავრცელებს.

"საფარი დაზარალებულებთან ერთად, მივმართავთ თბილისის პროკურატურას და მოვითხოვთ:

პროკურატურამ ძალადობის ფაქტებზე გამოძიება დაუყოვნებლივ დაიწყოს.

თბილისის საქალაქო სასამართლოს ეზოსა და პირველ სართულზე განთავსებული ყველა ვიდეოკამერის ჩანაწერი დაარქივდეს და გამოძიების მიერ გადაუდებლად იქნას ამოღებული.

ყველა დაზარალებული გამოიკითხოს.

ყველა დაზარალებულს შესაბამისად — დაზარალებულის სტატუსი მიენიჭოს.

ამასთანავე, "საფარი" მივმართავთ საქართველოს სახალხო დამცველს და მოვუწოდებთ, ყურადღებით დააკვირდეს საქმის წარმოებას და არ დაუშვას კამერებიდან მასალის წაშლა", — ნათქვამია გავრცელებულ ინფორმაციაში.