სახალხო დამცველმა, ლევან იოსელიანმა რუსთავში, 12-ე დაწესებულებაში მყოფი ოპოზიციონერი პოლიტიკოსები - ლევან ხაბეიშვილი და გიორგი ვაშაძე და თავ დაცვის ყოფილი მინისტრი ჯუანშერ ბურჭულაძე მოინახულა. ამის შესახებ ინფორმაციას სახალხო დამცველის აპარატი ავრცელებს.

"2025 წლის 3 ოქტომბერს სახალხო დამცველმა ლევან იოსელიანმა რუსთავში, N12 ნახევრად ღია და დახურული ტიპის პენიტენციური დაწესებულება მოინახულა, დაათვალიერა დაწესებულების ინფრასტრუქტურა და შეხვდა ადმინისტრაციის წარმომადგენლებს.

N12-ე დაწესებულებაში ყოფნისას, სახალხო დამცველი, ასევე, იქ განთავსებულ ლევან ხაბეიშვილს, გიორგი ვაშაძეს, ჯუანშერ ბურჭულაძეს, გიორგი ხაინდრავას, ვასილ მხეიძეს და ვლადიმერ ღუდუშაურს გაესაუბრა და მათ საცხოვრებელ პირობებს გაეცნო.

სახალხო დამცველი სისტემატურად ახორციელებს პენიტენციური დაწესებულებების მონიტორინგს და ზედამხედველობას უწევს პატიმართა უფლებრივ მდგომარეობასთან დაკავშირებულ გამოწვევებს", — ნათქვამია გავრცელებულ ინფორმაციაში.