თამარ ჩერგოლეიშვილი: ნაცი წითლიძე ზის და ყვება, ზოგ ოპოზიციონერს იმიტომ "არ ეჩქარება" მთავრობის შეცვლა, რომ პენტჰაუსში ცხოვრობს და არ უჭირსო. ფულის საშოვნელად ნამდვილად არ ვცვლი მთავრობას

29 Sep. 2025, 11:27

"ნაცი წითლიძე ზის და ყვება, ზოგ ოპოზიციონერს იმიტომ "არ ეჩქარება" მთავრობის შეცვლა რომ პენტჰაუსში ცხოვრობს და არ უჭირსო.

პენტჰაუსის რა გითხრათ, მაგრამ ფულის საშოვნელად ნამდვილად არ ვცვლი მთავრობას.

ანუ როცა 2013 წელს ექვსნიშნა ხელფასიანი (ევროში!) კონტრაქტი გავწყვიტე ევროსაბჭოსთან და საქართველოში დავრჩი, ვარდების რევოლუციის იდეების გასამარჯვებლად დავრჩი და არა ძალაუფლების ხელში ჩასაგდებად კანონიერ ქურდებთან ერთად.

ანუ მე მინდა, რომ გავიმარჯვებ, ჩემთან ერთად ნაფიცი მსაჯულების რეფორმამ გაიმარჯვოს - რომ სამართალს ყველა პოულობდეს.

მე მინდა, რომ გავიმარჯვებ, ჩემთან ერთად თვითმმართველობის რეფორმამ გაიმარჯვოს, რომ მოქალაქეებს საქართველოს ყველა წერტილში რეალური პოლიტიკური ძალა მიეცეს და ბელადომანია და ოლიგარქია დასრულდეს.

მე მინდა, რომ გავიმარჯვებ, ჩემთან ერთად ჩვენმა განათლების რეფორმამ, თავდაცვის რეფორმამ, მართლმსაჯულების რეფორმამ, ნარკოპოლიტიკის რეფორმამ, ჯანდაცვის რეფორმამ... გაიმარჯვოს.

სხვანაირი გამარჯვების არ მჯერა.

კანონიერი ქურდების და

ორგანიზებული დანაშაულის ამოსაძირკვად ვიმარჯვებ, და არა გასამდიდრებლად და მათთან საძმაკაცოდ.

ანუ მთავრობაში გასამდიდრებლად არ მოვდივარ — არ ცდება წითლიძე მაგ ნაწილში", — წერს პარტია "ფედერალისტების" ერთ-ერთი ლიდერი თამარ ჩერგოლეიშვილი.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

თიბისი ბიზნესის მხარდაჭერით, საქართველოში პირველი YouTube ბიზნესშოუ იწყება