Broadcom-მა (AVGO) სექტემბრის დასაწყისში რეკორდული კვარტალური გაყიდვების შესახებ განაცხადა, რამაც კიდევ ერთხელ აჩვენა, რომ მის AI-სერვისებზე მაღალი მოთხოვნაა. ამასთან, როგორც აღმოჩნდა, კომპანიას მნიშვნელოვანი, თუმცა ჯერჯერობით უცნობი კლიენტიც ჰყავს, რომელიც შესაძლებელია ChatGPT-ის შემქნელი OpenAI იყოს.

ანალიტიკოსები ამბობენ, რომ Broadcom-ის სერვისების შემსყიდველებს შორის Nvidia-ს (NVDA) კლიენტებიც არიან, რამაც შესაძლებელია ამ კოპანიას 2026 წლის გაყიდვებში 12 მილიარდი დოლარი დააკარგვინოს. Broadcom ამბობს, რომ ტექ-გიგანტები ზრდიან მოთხოვნას მის მიერ შექმნილ ხელოვნური ინტელექტის ჩიპებზე, რამაც Nvidia-სა და მას შორის ბაზრის წილის გადათამაშება უნდა გამოიწვიოს.

ანალიტიკოსების ნაწილი მიიჩნევს, რომ Broadcom-ს აქვს პოტენციალი შეუერთდეს შესანიშნავი შვიდეულის კომპანიების სიას და ის შესანიშნავ რვიანად აქციოს. ზოგიერთი ექსპერტის შეფასებით კი, ამ კომპანიამ შვიდეულიდან განდევნა Tesla, რადგან მას საბაზრო კაპიტალიზაციით გადაასწრო. ყველა შემთხვევაში, უნდა ითქვას, რომ ტექნოლოგიურ კომპანიებს შორის Broadcom უკვე თამამად იკავებს ღირსეულ ადგილს.

დისკუსია იმის შესახებ, გადაასწრებს თუ არა Broadcom-ი Nvidia-ს და როგორ გადაინაწილებენ ისინი ბაზარს, აქტიურად მიმდინარეობს. ანალიტიკოსები ფიქრობენ, რომ 2030 წლისთვის ბაზრის მოცულობა 2 ტრილიონს მიაღწევს. თუ Broadcom ამ ბაზრის 20%-ს დაიკავებს და Nvidia 40%-ზე ქვემოთ არ ჩამოვა (ის ამჟამად ბაზრის 70%-ს ფლობს) ორივე კომპანიის აქციების ღირებულება მნიშვნელოვნად გაიზრდება. პროგნოზების მიხედვით, მომდევნო სამ წელიწადში ორივე აქციის ფასი ორჯერ უნდა გაიზარდოს.

არსებული მდგომარეობით, Broadcom-ის ერთი აქციის ღირებულება 333.48 დოლარია. ეს მაჩვენებელი წლის დასაწყისთან შედარებით 44.97%-ით არის გაზრდილი. კომპანიის საბაზრო კაპიტალიზაცია 1.5 ტრილიონ დოლარს აჭარბებს.

აქვე გეტყვით, რომ ამ და სხვა კომპანიების აქციების შეძენა მარტივად, თიბისის მობაილბანკშია შესაძლებელი. გაითვალისწინე, რომ ეს არ არის ფინანსური რჩევა და საინვესტიციო გადაწყვეტილების მიღებამდე დამატებითი კვლევა ჩაატარე.

ამასთან, შემოგვიერთდი ჯგუფში ინვესტიციები — ვაჭრობა საფონდო ბირჟაზე და ერთად განვიხილოთ საინვესტიციო სიახლეები და მიმდინარე ამბები.