რიკოთის გზაზე ავტოსაგზაო შემთხვევა მოხდა, რის შედეგადაც ერთი ადამიანი დაშავდა. სოციალურ ქსელში გავრცელებულ კადრებში ჩანს, რომ დასავლეთის მიმართულებით ერთმანეთს რამდენიმე ავტომობილი შეეჯახა, მათ შორის სატვირთო.

დაშავებული პირი კონტაქტურია, თუმცა უცნობია რა სახის დაზიანებები აღენიშნება.

NEWS.On.ge-ს შინაგან საქმეთა სამინისტროში განუცხადეს, რომ მომხდარზე გამოძიება 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.