ოსკარის მფლობელი მსახიობი ჯარედ ლეტო მალე ბრეტ რატნერის ახალ ფილმში ფლეიბოის დამფუძნებლის ჰიუ ჰეფნერის როლს შეასრულებს, რომელიც 27 სექტემბერს 91 წლის ასაკში გარდაიცვალა.

"როდესაც ჯარედმა გაიგო, რომ ჰეფნერზე ფილმის გადაღებას ვაპირებდი, მან მითხრა რომ ამ როლის შესრულება სურდა. ნამდვილად მჯერა, რომ ჯარედი ამ როლს თავს გაართმევს, ის ჩვენი დროის ერთ-ერთი ყველაზე დიდი მსახიობია", - ამბობს რატნერი.

შეგახსენებთ, რომ ჰიუ ჰეფნერმა ფლეიბოის პირველი ნომერი 1953 წელს საკუთარ სამზარეულოს მაგიდაზე მოამზადა. პირველი ნომრის ყდა მერლინ მონრომ დაამშვენა. უკვე რამდენიმე თვეში Playboy მსოფლიოში კაცების ყველაზე გაყიდვადი ჟურნალი გახდა. 1970-იან წლებში, პოპულარობის პიკში Playboy-ს ტირაჟი შვიდ მილიონს აღწევდა, თუმცა ბოლო დროს ჟურნალის ტირაჟი 800 ათასზე მეტი არ ყოფილა.

აქვე წაიკითხეთ:

ჰიუ ჰეფნერი ქალების უდიდესი მტერი იყო, ფემინისტებს მისთვის ცრემლები არ ემეტებათ