რა ხდება მაშინ, როდესაც მიზნის მიღწევამდე ერთი ნაბიჯი გაქვს დარჩენილი? რა გაძლევს ძალას, გადალახო დაბრკოლება? რა არის ის, რაც გეხმარება, იპოვო სიჯიუტე, არ შეუშინდე სირთულეებს?

ეს ჟინია.

ჟინი ხელოვნებაშია. ჟინი სპორტშია. ჟინი ბიზნესშია. ჟინი განათლებაშია. ჟინი ჩვენს ყოველდღიურ ცხოვრებაშია.

ჟინი მეორე სუნთქვაა — ის გაძლევს შესაძლებლობას, აღმოაჩინო შენს თავში ენერგია.

ჟინი ძალაა, რომელიც გეხმარება, იპოვო გამძლეობა და დაარწმუნო საკუთარი თავი, რომ მიზნის მისაღწევად, ყველა დაბრკოლებას გადალახავ.

ჟინი რწმენაა იმისა, რომ შესაძლებლობები უსაზღვროა.

ჟინი მუდმივი სვლაა.

ჟინი არ გაჩერებაა.

ჟინი შენშია.

თითოეულ ადამიანს, რომელსაც მიზნად დაუსახავს მუდმივი მოძრაობა, საქართველოს ბანკი ახალი კამპანიით მოუწოდებს, აღმოაჩინონ ჟინი საკუთარ თავში. ჟინი ძალაა, რომელიც ყველას გვაერთიანებს. ჟინი ცეცხლია, რომელიც ყოველ ჯერზე უფრო და უფრო იზრდება, ძლიერდება და გაძლიერებს შენც, მაღალ სიმაღლეებს გაპყრობინებს.

“როდესაც დიდ მიღწევებში მონაწილე ადამიანებს ვხედავთ, ერთ საერთო მახასიათებელს ვხედავთ, ეს არის ჟინი. ჟინი საოცარი სიტყვაა. მასში ერთდროულად თავს იყრის სურვილი, წყურვილი, წადილი, სწრაფვა, ბრძოლის უნარიანობა შეუპოვრობა. ის იმდენად ქართულია რომ სხვა ენაზე ზუსტი თარგმანიც არ არსებობს. მიუხედავად ჟინის უდიდესი ძალისა, მასზე საკმაოდ ხშირად არ ვსაუბრობთ”, — აღნიშნავს ეკა ყიფიანი, კრეატიული სააგენტო Supermarket-ის თანადამფუძნებელი და კრეატიული დირექტორი.

“საქართველოს ბანკის ერთ-ერთი მთავარი ღირებულებაა, ხელი შეუწყოს ადამიანებს, მაქსიმალურად გამოავლინონ საკუთარი პოტენციალი. სწორედ ამიტომ, ჩვენ მიზნად დავისახეთ, დავეხმაროთ ინდივიდებს, საკუთარ თავში აღმოაჩინონ ახალი შესაძლებლობები, ძალა და ჟინი, რომელიც ხელს შეუწყობს მათ, მიაღწიონ დასახულ მიზანს და არ გაჩერდნენ. ჩვენი ახალი კამპანიაც სწორედ ამ მიზანს ემსახურება, შეახსენოს და მოუწოდოს ადამიანებს, რომ - ჟინი ყოველთვის იმარჯვებს”, — აღნიშნავს საქართველოს ბანკის ბრენდის მიმართულების ხელმძღვანელი, მარიამ ცანავა.

უფრო მეტი ინფორმაციისთვის ნახეთ ვიდეო: