საბა ბუაძემ პარტია ლელო — ძლიერი საქართველო ფორმალურადაც დატოვა. ამის შესახებ მან პალიტრანიუსის გადაცემაში "360 გრადუსი" განაცხადა. მისი თქმით, ის პარტიის რიგით წევრადაც აღარ ირიცხება.

"5 ივლისს დავასრულე ჩემი პოლიტიკური საქმიანობა, უბრალოდ, მაშინ, როდესაც მამუკა [ხაზარაძე] და ბადრი [ჯაფარიძე] საპატიმროში იყვნენ, ფორმალურად ჯერ კიდევ ვრჩებოდი პარტიაში და ახლა ისინი აღარ არიან საპატიმროში", — თქვა მან.

საბა ბუაძემ ამ გადაწყვეტილების მიღების მიზეზზეც ისაუბრა და აღნიშნა, რომ ასეთი ფორმით თვითმმართველობის არჩევნებში მონაწილეობას არჩევნებში მონაწილეობას არ ეთანხმება.

"ასეთი ფორმით არჩევნებში მონაწილეობა ხელისუფლების ამოცანებს უწყობს ხელს, ვითარების ნორმალიზების რაღაც ილუზიის შექმნაში ეხმარება...შეგიძლიათ ფორმალურადაც და ყველანაირად ჩათვალოთ, რომ ლელო დავტოვე. იმ მომენტშივე რეალურად, როდესაც პოლიტიკური თანამდებობები დავტოვე, რადგან მოგეხსენებათ, რაც იყო ჩემი პოზიცია და რაც არის, მიმაჩნია, რომ ადგილობრივ არჩევნებში ასეთი ფორმით მონაწილეობა არის შეცდომა. ლელოში ჩემი პოლიტიკური საქმიანობა დავასრულე. სწორედ ამ საკითხთან დაკავშირებით არსებული განსხვავებული პოზიციის გამო, რადგან მიმაჩნდა წინააღმდეგობრივად, იმ გეზის საპირისპიროდ, რომელიც თავის დროზე ჩვენ 26 ოქტომბერს არჩევნების შემდეგ ავიღეთ", — განაცხადა მან.

ცნობისთვის, 5 ივლისს პარტიის პოლიტსაბჭო ჯერ საბა ბუაძემ დატოვა, შემდეგ — დეა მეტრეველმა და ანა ნაცვლიშვილმა.

თვითმმართველობის არჩევნებში მონაწილეობის გამო, "ლელო — ძლიერ საქართველო" პოლიტსაბჭოს წევრებმა დატოვეს