გარემოს ეროვნული სააგენტოს ცნობით, საქართველოს ტერიტორიაზე მოსალოდნელმა ძლიერმა ნალექმა, შესაძლებელია, ცალკეულ მდინარეებზე წყალმოვარდნები და მეწყრულ-ღვარცოფული პროცესების ჩასახვა-გააქტიურება გამოიწვიოს.

უწყების პროგნოზით, ორი ოქტომბრიდან ოთხ ოქტომბრამდე, საქართველოს ტერიტორიაზე ცივი და ნოტიო ჰაერის მასების გავრცელების გამო, მოსალოდნელია ჰაერის ტემპერატურის მნიშვნელოვანი დაკლება, წვიმა, ზოგან ძლიერი, ნისლი, მაღალმთიან ზონაში ზოგან თოვლი, ზღვაზე 3-4 ბალიანი ღელვა.