ქლოი გრეის მორეცი და ქეით ჰარისონი დაქორწინდნენ

მსახიობი ქლოი გრეის მორეცი და ფოტოგრაფი ქეით ჰარისონი დაქორწინდნენ.

მორეცისა და ჰარისონის ურთიერთობა 2018 წელს დაიწყო, 7 წლის შემდეგ კი მათი ქორწილიც ვიხილეთ. წყვილის ნიშნობის შესახებ ჭორები 2024 წლის აპრილიდან დაიწყო, მათ კი ინფორმაცია 2025 წლის 1 იანვარს, ბრილიანტის ბეჭდების ფოტოთი დაადასტურეს.

ქლოისა და ქეითის საქორწილო ტანისამოსის დიზაინი ლუი ვიტონმა შექმნა.

ქლოიმ ქორწილის დღეს ცისფერი კაბა მოირგო, რაც მისთვის ტრადიციების უარყოფის სიმბოლოს წარმოადგენდა: "ბავშვობაში არასდროს წარმოვიდგენდი საკუთარ თავს საწორწილო კაბაში, ამიტომ, როცა იმაზე საუბარი დავიწყეთ, როგორ კაბას ჩავიცვამდი, ვიცოდი, რომ რაღაც არატრადიციულს ავირჩევდი. არ მინდოდა თეთრის ჩაცმა, მინდოდა, რომ ჩემს კაბას განსხვავებული შეგრძნება ჰქონოდა და ვფიქრობ, რომ ეს გამომივიდა".

ქეითი კი ქორწილისთვის თეთრ ტანისამოსში გამოეწყო. მან ვოგს გაუმხილა, რომ ყველაზე მეტად იმ მომენტს ელოდებოდა, როცა ის და ქლოი ერთმანეთს პირველად დაინახავდნენ: "წარმოდგენა არ გვაქვს, როგორია ერთმანეთის კაბები, ამიტომ ეს განსაკუთარებული მომენტი იქნება".

ბოლო ამბები:

გირჩევთ