ირანი იმედოვნებს, რომ რუსული გაზის მიწოდება აზერბაიჯანის გავლით უახლოეს მომავალში დაიწყება. "გაზპრომთან" თითქმის ყველა საკითხი უკვე მოგვარებულია. ამის შესახებ TASS-თან ინტერვიუში რუსეთის ფედერაციაში ირანის ისლამური რესპუბლიკის ელჩმა, ქაზემ ჯალალიმ განაცხადა.

"იმედი გვაქვს, რომ ეს უახლოეს მომავალში მოხდება. ამჟამად ვაწარმოებთ მოლაპარაკებებს "გაზპრომთან" და თითქმის ყველა საკითხი უკვე მოგვარდა. მაგრამ საჭიროა საერთო ენის გამონახვა ფასის საკითხში. თუ ეს საკითხიც მოგვარდება, მაშინ ყველაფერი დაიწყება," — აღნიშნა მან დასმული კითხვის პასუხად.

მანამდე, რუსეთის ენერგეტიკის მინისტრმა სერგეი ცივილევმა განაცხადა, რომ რუსული გაზის პირველი მიწოდება არსებულ ინფრასტრუქტურაზე, აზერბაიჯანის გავლით, 2025 წელს დაიწყება და წლიური მოცულობა 1.8 მილიარდ კუბურ მეტრამდე იქნება.