ხოსე კარერასის გამოსამშვიდობებელი კონცერტი

ქუთაისს ესპანელი ტენორი ხოსე კარერასი მსოფლიო ტურნეს ფარგლებში ეწვია. ის სწორედ ამ ტურნეთი დაემშვიდობება სასცენო კარიერას. კონცერტი სამთავრობო პროექტ Check in Georgia–ს ფარგლებში ქუთაისის ცენტრალურ მოედანზე, 18 ივნისს გაიმართა.

ქალაქის ცენტრალურ მოედანზე, მაყურებლები 7 საათიდან იკრიბებოდნენ. დასწრება თავისუფალი იყო.

სცენის წინ მაყურებელთა სივრცე ორ ნაწილად იყო გაყოფილი. მომღერლის მენეჯერების მოთხოვნით, შეკრებილი ხალხის ნაწილისთვის მაინც, აუცილებლად სკამები უნდა ყოფილიყო. როგორც კულტურის სამინისტროს პრესსამსახურმა განაცხადა, ქალაქის მერიამ, კულტურის სფეროს წარმომადგენლები, სკოლებისა და მუსიკალური სასწავლებლების პედაგოგები წყალტუბოდან და ქუთაისიდან, სპეციალურად მოიწვია კონცერტზე დასასწრებად და საპატიო ადგილები გაუნაწილა.

მაყურებელთა მეორე ნაწილი ჯებირს მიღმა იდგა და ელოდებოდა ტენორის სცენაზე გამოსვლას. კონცერტზე დამსწრეთა ნაწილი On.ge-სთან საუბარში უკმაყოფილებას გამოხატავდა ფეხზე დგომის გამო, თუმცა, კმაყოფილები იყვნენ კარერასის მოსმენით:

“უკეთესი იქნებოდა ყველასთვის დასაჯდომი ადგილი ყოფილიყო, თუმცა ძალიან დიდი მოლოდინი მაქვს, რადგან ასეთი მომღერალი ქუთაისში ძალიან იშვიათან ჩამოდის”.

“ძალიან კარგი კონცერტი იქნება, ძალიან კარგი მომზადებულია და ველით რომ ვისიამოვნებთ”.

“ცუდია, რომ ერთი საათის დაგვიანებით იწყება, მაგრამ იმედია, სასიამვნო საღამო გველოდება.”

მოუთმენლად ველოდები, ძალიან მიყვარს საოპერო ხელოვნება. რაც შეეხება ორგანიზებას, ნორმალურია.”

“სკამები რომაა ცარიელი, რა იქნებოდა ჩვენც დავმჯდარიყავით?”

“კმაყოფილები ვართ, ყველაფერს ვერ განსაზღვრავ, ამხელაა ღონისძიებაა, ზოგი ფეხზე იქნება და ზოგი დაჯდება, აბა როგორ გინდა?”

ხოსე კარერასი სცენაზე დაგვიანებით, დაახლოებით 21:00 საათზე გამოვიდა და საათნახევრის განმავლობაში ვახტანგ კახიძის თბილისის სიმფონიურ ორკესტრის თანხლებით მსოფლიო საოპერო არიები შეასრულა.

კარერასმა სოპრანო სალომე ჯიქიასთან ერთად რამდენიმე დუეტი შეასრულა.

კარერასი ვერდისა და პუჩინის ოპერების შეასრულებთ გახდა ცნობილი . განსაკუთრებული აღიარება კი მას შემდეგ მოიპოვა, რაც სამ ტენორს შორის ერთ-ერთმა, ლუჩანო პავაროტისთან და პლაჩიდო დომინგოსთან ერთად, კონცერტების სერია ჩაატარა 1990 წლიდან 2003 წლამდე.

მისი კონცერტი სამთავრობო პროექტ Check in Georgia-ს ფარგლებში გაიმართა.

ბოლო ამბები:

გირჩევთ

ხოსე კარერასის გამოსამშვიდობებელი კონცერტი – რეპორტაჟი ქუთაისიდან (ფოტო)

კომენტარები

კვირის ტოპ-5

გირჩევთ

ახლა კითხულობენ

ალი ხამენეი: ირანის ისლამური რესპუბლიკა დივერსანტების წინაშე უკან არ დაიხევს