კანადა უკრაინის დასახმარებლად $1 მლრდ-ს გამოყოფს, — "ევროსკოპის" ცნობით ამის შესახებ უკრაინის დამოუკიდებლობის დღესთან დაკავშირებით კიევში ჩასულმა კანადის პრემიერმინისტრმა მარკ კარნიმ განაცხადა.

მისივე თქმით, საბრძოლო აღჭურვილობა და ტექნიკა უკრაინაში უკვე მომავალ თვეში ჩავა.

"ივნისში, G7-ის ქვეყნის შეხვედრაზე კანადამ უკრაინას დამატებით 2 მილიარდი დოლარის სამხედრო დახმარება აღუთქვა.

დღეს სიამაყით ვაცხადებ, რომ ამ თანხიდან 1 მილიარდ დოლარზე მეტი მოხმარდება თქვენი თავდაცვითი შესაძლებლობების გაძლიერებას — უპილოტო საფრენი აპარატების, საბრძოლო აღჭურვილობისა და ტექნიკის მეშვეობით, რომლებიც ქვეყანაში უკვე მომავალ თვეში ჩავა", — განაცხადა უკრაინის დამოუკიდებლობის დღესთან დაკავშირებით კიევში ჩასულმა კანადის პრემიერმინისტრმა მარკ კარნიმ.

უკრაინაში ჩასვლის შემდეგ მან სოციალურ ქსელში დაწერა, რომ "კანადა აძლიერებს მხარდაჭერას და ძალისხმევას უკრაინისთვის სამართლიანი და მდგრადი მშვიდობის მისაღწევად".

"ახლახან ჩავიდა კიევში, უკრაინაში.

უკრაინის დამოუკიდებლობის ამ დღეს და მათი ერის ისტორიის ამ კრიტიკულ მომენტში, კანადა აძლიერებს ჩვენს მხარდაჭერას და ჩვენს ძალისხმევას უკრაინისთვის სამართლიანი და ხანგრძლივი მშვიდობისკენ", — წერს პრემიერმინისტრმა.