უნგრეთის პრემიერმინისტრი, ვიქტორ ორბანი დრუჟბის" მილსადენის დაზიანების გამო, აშშ-ის პრეზიდენტთან, დონალდ ტრამპთან მიწერილ წერილში ჩივის. ამის შესახებ ინფორმაციას უნგრული გამოცემა Magyar Nemzet ავრცელებს.

"ხუთი დღის წინ, პრეზიდენტ ტრამპსა და პუტინს შორის ალასკაში ისტორიულ შეხვედრამდე, უკრაინამ დრონებით დარტყმები მიიტანა "დრუჟბას" ნავთობსადენზე რუსეთში. ეს მილსადენი ორ ქვეყანას, უნგრეთსა და სლოვაკეთს, რომლებსაც ნედლი ნავთობის იმპორტის სხვა გზა არ აქვთ, ამარაგებს. უნგრეთი უკრაინას ელექტროენერგიითა და ნავთობით ეხმარება, სანაცვლოდ ისინი იმ მილსადენს ბომბავენ, რომელიც ჩვენ გვამარაგებს. ძალზე არამეგობრული ნაბიჯია! ჩვენ პრეზიდენტ ტრამპს მშვიდობისკენ მის სწრაფვაში ყოველგვარ წარმატებას ვუსურვებთ!" — წერს ვიქტორ ორბანი ტრამპისთვის გაგზავნილ წერილში.

მანამდე ვიქტორ ორბანმა სოციალურ ქსელში გამოაქვეყნა განცხადება, სადაც აღნიშნავდა, რომ უკრაინელები გამუდმებით აზიანებენ "მეგობრობის" ნავთობსადენს და იგივე გააკეთეს"ჩრდილოეთის ნაკადის" შემთხვევაშიც.

"ვიქტორ, არ მომწონს ამის მოსმენა. ძალიან გაბრაზებული ვარ ამის შესახებ. სლოვაკეთს უთხარი, რომ შენ ჩემი მეგობარი ხარ," — დაწერა ტრამპმა ვიქტორ ორბანის პასუხად.

ცნობისთვის, დღეს დილით უკრაინამ იერიში მიიტანა ბრიანსკის ოლქში მდებარე ნავთობსატუმბ სადგურ უნეჩაზე, რომელიც უკრაინული გამოცემების ცნობით, "დრუჟბას" მილსადენთანაა დაკავშირებული.

ასევე, დღეს გავრცელდა უნგრეთის საგარეო საქმეთა მინისტრის, პიტერ სიიარტოს განცხადებაც, სადაც ის ამბობს, რომ რუსეთისა და ბელარუსის საზღვართან "დრუჟბას" ნავთობის მილსადენზე თავდასხმის გამო, უნგრეთს ნავთობის მიწოდება კვლავ შეუჩერდა. მისივე თქმით, ეს უნგრეთის ომში ჩათრევის კიდევ ერთი მცდებლობაა

პიტერ სიიარტოს თქმით, "დრუჟბას" ნავთობის მილსადენზე თავდასხმის გამო, უნგრეთს ნავთობის მიწოდება კვლავ შეუჩერდა