კარიბის ზღვის მეკობრეების პროდიუსერი ჯერი ბრუკჰაიმერი იმედოვნებს, რომ ფრენჩაიზის მეექვსე ნაწილში ჯონი დეპს ვიხილავთ. როგორც პროდიუსერმა გვაცნობა, ის მსახიობს უკვე გაესაუბრა და სჯერა, რომ თუ სცენარი მოეწონება, დეპი ლეგენდარული ჯეკ ბეღურას როლს დაუბრუნდება.

ფოტო: Disney

დეპმა, რომელიც ამჟამად 62 წლისაა, 2003 წლიდან მოყოლებული კარიბის ზღვის მეკობრეების 5 ფილმში მიიღო მონაწილეობა. 2022 წლის ივნისში მისმა წარმომადგენელმა განაცხადა, რომ ჭორები მსახიობის მეკობრეებში დაბრუნებაზე მცდარი იყო, თუმცა 2023 წლის ივლისში, ასევე სანდო წყაროს მიერ, საპირისპირო ინფორმაცია გავრცელდა.

ყოფილ მეუღლესთან — ემბერ ჰერდთან დაკავშირებული სკანდალისა და გახმაურებული სასამართლო პროცესის შემდგომ დეპი ნელ-ნელა უბრუნდება კინოინდუსტრიას — მან ახლახან გამოუშვა საკუთარი ფილმი — მოდი: სამი დღე სიგიჟის ფრთაზე, ხოლო შემდეგი ფილმი დღის მსმელია, რომელშიც მადელაინ კლაინთან და პენელოპე კრუზთან ერთად ითამაშებს.

ჯონი დეპი საკუთარი ფილმის პრემიერაზე

ფოტო: Gareth Cattermole/Getty

ბრუკჰაიმერს კარიბის ზღვის მეკობრეების სამყაროსთვის დიდი გეგმები აქვს, ამ გეგმების ნაწილი კი ჰოლივუდის ვარსკვლავი — მარგო რობიცაა. მარგოსთან ერთად ბრუკჰაიმერი კიდევ ერთ ფილმს იღებს, რომელიც დისნეისთან პარტნიორობით იქმნება.

ფოტო: Getty Images

ბრუკჰაიმერი ჯონი დეპზე:

მან შექმნა კაპიტანი ჯეკ ბეღურა

ბოლოდროინდელი ინტერვიუების მიხედვით, სცენარზე მუშაობა ჯერ არ დასრულებულა: "ჯერ ბოლომდე არ მივსულვართ, მაგრამ ახლოს ვართ", — ამბობს პროდიუსერი.

იხილეთ: ჯონი დეპის Pirates of the Caribbean-ში დაბრუნების მოთხოვნით შექმნილ პეტიციას 500 ათასი ხელმოწერა აქვს