სოფელ ხელვაჩაურში მერის წარმომადგენელი, როსტომ თავდგირიძე, ფიზიკური და ფსიქოლოგიური ძალადობის მსხვერპლი გახდა. შემთხვევა გვიან ღამით, ხელვაჩაურის მერიის შენობაში მოხდა. ამის შესახებ ინფორმაციას "აჭარა თაიმსი" ავრცელებს.

მათ ცნობით, დაპირისპირების მიზეზი თავდგირიძის შვილის და მისი ნათესავების მიერ სოციალურ ქსელში ხელისუფლების მიმართ კრიტიკულ პოზიციების დაფიქსირება გახდა. ამის გამო თავდგირიძეს მათი გაჩუმების მოთხოვნით მიმართეს, რასაც სიტყვიერი დაპირისპირება და შემდეგ კი ძალადობა მოჰყვა.

"აჭარა თაიმსის" ინფორმაციით, ფიზიკურ ანგარიშსწორებაში მერიის მაღალჩინოსნები მონაწილეობდნენ. ინციდენტის დროს ადგილზე იმყოფებოდა პოლიციაც, რომელმაც თავდგირიძის განყოფილებაში გადაყვანა სცადა, თუმცა ის არ დათანხმდა. საბოლოოდ, პოლიციელებმა მისი გამოკითხვა სახლის პირობებში ჩაატარეს.

შსს-მ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.