სამხრეთ-დასავლეთ გერმანიაში სამგზავრო მატარებელი რელსებიდან გადავიდა, შედეგად სამი ადამიანი დაიღუპა და რამდენიმე მძიმედ დაშავდა. ამის შესახებ ინფორმაციას Reuters ავრცელებს.

შტუტგარტის პოლიციის ცნობით, მატარებელში დაახლოებით 100 ადამიანი იმყოფებოდა, როდესაც ორი ვაგონი რელსებიდან რიდლინგენსა და მუნდერკინგენს შორის მდებარე მონაკვეთზე გადავიდა — გერმანიის იმ კუთხესთან ახლოს, რომელიც საფრანგეთსა და შვეიცარიას ესაზღვრება.

პოლიციის ცნობით, ავარიის მიზეზი ამ ეტაპზე გამოძიების საგანია.