გუშინ, 15 ივლისს, სადგურის მოედანზე საცხოვრებელი კორპუსის ფასადი ჩამოინგრა. მომხდარს მსხვერპლი მოჰყვა. თავდაპირველად შსს-მ ერთი ადამიანის დაღუპვა დაადასტურა, მოგვიანებით კი გაავრცელა ცნობა მეორე გარდაცვლილის შესახებ.

უწყების ცნობითვე, დაშავებულია კიდევ ერთი ადამიანი, რომელიც სტაციონარშია გადაყვანილი.

"ამ დროისთვის დაზუსტებული ინფორმაციით, მომხდარი ნგრევის შედეგად, გარდაიცვალა 2 ადამიანი, ხოლო ჯანმრთელობის დაზიანება მიიღო ერთმა პირმა, რომელიც შესაბამისი სამედიცინო დახმარების გაწევის მიზნით გადაყვანილია სტაციონარში.

ადგილზე საგანგებო სიტუაციების მართვის სამსახურის მეხანძრე-მაშველები უწყების სხვა დანაყოფების თანამშრომლებთან ერთად უწყვეტ რეჟიმში განაგრძობენ ძებნა-შველის ღონისძიებებს. უსაფრთხოების ზომებიდან გამომდინარე, შემოსაზღვრულია ტერიტორი" — წერია შსს-ის მიერ გვიან ღამით გავრცელებულ განცხადებაში.

თბილისის პოლიციის დეპარტამენტის ხელმძღვანელი, ვაჟა სირაძე ადასტურებს, რომ გარდაცვლილებს შორის ერთი ქალი და ერთი კაცია.

საგანგებო სიტუაციების მართვის სამსახურის ინფორმაციით, მომხდარი ნგრევის შედეგად დაშავებულთა ძებნა-შველის ოპერაცია დასრულებულია. უწყების ცნობით, ამ პროცესში ცოცხალი ძალის გარდა, მძიმე ტექნიკაც მონაწილეობდა

ნგრევის ფაქტზე გამოძიება სისხლის სამართლის კოდექსის 240-ე მუხლით დაიწყო.

ასევე იხილეთ: