საქართველოს მეხუთე პრეზიდენტი სალომე ზურაბიშვილმა სოციალურ პლატფორმა X-ზე აჭარის მთავრობის ყოფილი თავმჯდომარის, თორნიკე რიჟვაძის თვითმკვლელობის მცდელობას გამოეხმაურა. ზურაბიშვილი არ გამორიცხავს, რომ რიჟვაძეს ესროლეს და ამ მოვლენას "რუსული მაფიის სტილს" უწოდებს.

"დიდი ბიზნესის შემდეგ, ახლა მაღალი თანამდებობის პირების ჯერია: ბათუმის მერს (მეორე უდიდესი ქალაქი) ან ესროლეს, ან თავად ესროლა საკუთარ თავს (ოფიციალური ვერსია) და სიცოცხლისთვის იბრძვის. მაღალი დონის კორუფცია და ვენდეტა — ეს არის ახალი რეალობა. რუსული მაფიის სტილი!

დღეს, 7 ივლისს, საგარეჯოს "ჯეოჰოსპიტალსში", აჭარის ავტონომიური რესპუბლიკის მთავრობის ყოფილი თავმჯდომარე, თორნიკე რიჟვაძე მიიყვანეს. მას გულმკერდის არეში ცეცხლნასროლი ჭრილობა აღენიშნებოდა.

შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.

ოპოზიციური პარტიის ლიდერები ამ თემას გამოეხმაურნენ და თორნიკე რიჟვაძეს გამოჯანმრთელებას უსურვებენ.

ამავე თემაზე იხილეთ: