თბილისში, გაჩერებებზე, ავტობუსების განრიგის აღმნიშვნელი ტაბლოები ისევ გაითიშა. მიზეზს თბილისის სატრანსპორტო კომპანიაში ტექნიკური ხარვეზით ხსნიან.

ამავე მიზეზით, არ მუშაობს ვებ-გვერდსა და მობილურ აპლიკაციაში რამდენიმე ფუნქცია - "ტაბლოს ინფორმაცია" და "ავტობუსი რეალურ დროში". გარდა ამისა, არ მუშაობს ცხელი ხაზის სერვისიც.

"სატრანსპორტო კომპანიის ტექნიკური ჯგუფი ინტენსიურად მუშაობს ხარვეზის გამოსასწორებლად და უახლოეს მომავალში მოხდება ყველა სერვისის აღდგენა", - აღნიშნავენ თბილისის სატრანსპორტო კომპანიაში.