საქართველოს ჟურნალისტური ეთიკის ქარტიის საბჭო შეშფოთებულია ზოგიერთი მედიასაშუალების მიერ ქმრისა და შვილის მკვლელობაში ბრალდებულის სასამართლო პროცესის გაშუქებით. საბჭოს განცხადებით, სასამართლოში საქმის განხილვის შესახებ მომზადებულ მასალებში ბევრი ისეთი დეტალი გასაჯაროვდა, რაც არ შეიცავდა საზოგადოებრივ ინტერესს.

ჟურნალისტური ეთიკის ქარტიის საბჭო მიიჩნევს, რომ ვინაიდან საქმეს ნაფიცი მსაჯულები განიხილავენ, მნიშვნელოვანია, მედია ფრთხილად მოეკიდოს ამ თემის გაშუქებას, რათა უნებურად არ გახდეს რომელიმე მხარის ინტერესების გამტარებელი ანდა მანიპულაციის ობიექტი.

ჟურნალისტური ეთიკის ქარტიის საბჭო რეკომენდაციით მიმართავს მედიასაშუალებებს:

  • დაიცვან როგორც მსხვერპლის ოჯახის წევრთა, ისე ბრალდებულის პირადი ცხოვრების ხელშეუხებლობა.
  • თავი შეიკავონ ბრალდებულის და შემთხვევასთან დაკავშირებული სხვა პირთა ცხოვრების ისეთი დეტალების გასაჯაროვებისგან, რომელიც საქმესთან კავშირში არ არის და არ წარმოადგენს საზოგადოებრივ ინტერესს