ხუთი თვის წინ გახსნილი ზაჰესის ხიდი ჩაინგრა. ამის შესახებ სტუდია მონიტორმა გაავრცელა ინფორმაცია.

მანამდე კი, ივნისში, ზაჰესის ხიდის გახსნიდან ორ თვეში, ხიდამდე მისასვლელი გზა ჩაინგრა. მაშინ თბილისის მერიამ განმარტა, რომ უხვი ნალექის გამო, ღვარცოფმა გაარღვია ჯებირი და ჩამოშალა მიწა. სტუდია მონიტორის საგამოძიებო მასალის მიხედვით, მერიამ ზაჰესის ხიდი ტექნიკური შემოწმების გარეშე გახსნა.

თბილისის მერიამ ზაჰესის ხიდის აღდგენისთვის 4 მილიონი ლარი გამოყო. სარეაბილიტაციო სამუშაოები ორი წლის განმავლობაში მიმდინარეობდა. მერიის ინფორმაციით, მაღალი გამტარუნარიანობის მქონე ახალი ხიდი 50-წლიანი საექსპლუატაციო ვადით აშენდა.

ფოტო: სტუდია მონიტორი / Faceboo

ფოტო: სტუდია მონიტორი / Facebook

ფოტო: სტუდია მონიტორი / Facebook

თბილისის მერიაში ამბობენ, რომ ხიდის ნაწილის ჩანგრევა ჯორჯია უუოთერ ენდ ფაუერის მილის გასკდომამ გამოიწვია. მათივე თქმით, აღდგენითი სამუშაოები დღესვე დაიწყება და მას კომპანია უზრუნველყოფს.