პეტერბურგის საერთაშორისო ეკონომიკური ფორუმის ფარგლებში, გაზპრომის პრეზიდენტმა ალექსეი მილერმა და გაზკომ პლუსის კომერციულმა დირექტორმა გიორგი მამალაძემ რუსული გაზის ყიდვა–გაყიდვის კონტრაქტს მოაწერეს ხელი. ამის შესახებ გაზპრომი ავრცელებს განცხადებას. ხელმოწერა გუშინ, 16 ივნისს შედგა.

გაზპრომის განცხადებით, კონტრაქტის თანახმად, 2016 წელს, რუსული კომპანია ქართულ გაზკომ პლუსს 100 მილიონი კუბ მეტრი გაზით მოამარაგებს. კონტრაქტი 2016 წლის 1 ივლისიდან 31 დეკემბრამდე იმოქმედებს სამომავლო გაგრძელების პერსპექტივით.