თბილისის საქალაქო სასამართლოში კოალიცია ცვლილებისთვის ერთ-ერთი ლიდერის, ზურაბ გირჩი ჯაფარიძის სასამართლო პროცესი მიმდინარეობს. რომელსაც თავად არ ესწრება.

ზურაბ გირჩი ჯაფარიძის სოციალურ ქსელში გავრცელებულ ინფორმაციაში ნათქვამია, რომ "ნიკა გვარამიასაც ამ მოსამართლემ გამოუტანა განაჩენი და მაგ ცირკში მონაწილეობას არ მიიღებს".

"ზურაბ გირჩი ჯაფარიძე საკუთარ სასამართლო პროცესს არ დაესწრება დღეს.

სასამართლო პროცესის დაწყებამდე დარეკა და დარბაზში მყოფთაგან ბევრნი ვესაუბრეთ.

ნიკა გვარამიასაც ამ მოსამართლემ გამოუტანა განაჩენი და მაგ ცირკში მონაწილეობას არ მივიღებო", — ნათქვამია გავრცელებულ ინფორმაციაში.

ზურაბ გირჩი ჯაფარიძეს სასამართლო ოცნების პარლამენტის დროებით საგამოძიებო კომისაზე გამოუცხადებლობის გამო დაკისრებული გირაოს გადაუხდელობას ედავება.

მას ბრალი სისხლის სამართლის კოდექსის 349-ე მუხლით აქვს წარდგენილი, აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.