რაფაელ ნადალს “როლან გაროსზე“ ოფიციალურად დაემშვიდობნენ — ცერემონიაზე, რომელიც ათასობით გულშემატკივრის, ოჯახის წევრებისა და ლეგენდარული მეტოქეების თვალწინ გაიმართა, ნადალს დაუვიწყარი პატივი მიაგეს.

რაფა დამშვიდობების ცერემონიაზე

რაფა დამშვიდობების ცერემონიაზე

ფოტო: Rafa Nadal

ტრიბუნები ერთხმად ყვიროდნენ “მადლობა რაფა”, დამსწრეებს სპეციალური მაისურები დაურიგეს, რომლითაც კორტებზე “14RG” და “Rafa” დაიწერა. ცერემონიაზე სიტყვით გამოვიდა თავად ნადალი, რომელმაც ფრანგულად, ინგლისურად და ესპანურად მადლობა გადაუხადა ყველას და აღნიშნა, რომ ასეთ ემოციურ დღეს არ ელოდა.

რაფა დამშვიდობების ცერემონიაზე

რაფა დამშვიდობების ცერემონიაზე

ფოტო: Rafa Nadal

რაფას გაცილების ცერემონიაზე მისი მთავარი მეტოქრეები — როჯერ ფედერერი, ნოვაკ ჯოკოვიჩი და ენდი მარიც გამოჩნდნენ.

ჯოკოვიჩი, ფედერერი, ნადალი და მარეი

ჯოკოვიჩი, ფედერერი, ნადალი და მარეი

ფოტო: Rafa Nadal

“ძალიან მნიშვნელოვანი იყო ჩემთვის, რომ ჩემი სამი მთავარი მეტოქე კორტზე მახლდა. ვფიქრობ, ეს შესანიშნავი გზავნილია: დაუძინებელი მეტოქეობაც კი შეიძლება არსებობდეს ურთიერთპატივისცემით. მოწინააღმდეგის მთელი ძალით დასამარცხებლად, არ არის აუცილებელი ის გძულდეს”, — თქვა ნადალმა.

მეტოქეები ემშვიდობებიან რაფას

მეტოქეები ემშვიდობებიან რაფას

ფოტო: Rafa Nadals

ცერემონია 40 წუთს გაგრძელდა და დასრულდა ჩოგბურთის კორტზე სამახსოვრო დაფის გახსნით, რომელზეც ნადალის ფეხის ანაბეჭდი და ხელმოწერაა.

რაფას მემორიალური დაფა

რაფას მემორიალური დაფა

ფოტო: Rafa Nadal

ნადალს “როლან გაროსზე“ — სპორტის ისტორიაში ერთ-ერთი ყველაზე წარმატებული შედეგი — 112 მოგება და 14 ტიტული აქვს.

რაფას გამოსამშვიდობებელი ცერემონია როლან გაროსზე

რაფას გამოსამშვიდობებელი ცერემონია როლან გაროსზე