ქართლის ამბების ინფორმაციით, შიდა ქართლში TikTok-ზე "ქურდული სამყაროსადმი" შეურაცხმყოფელი კომენტარისთვის არასრულწლოვანს 15 მდე პირი ფიზიკურად გაუსწორდა.

"ეს ბავშვი მოათავსეს საავადმყოფოში. 10-15 ადამიანი იყო, ვინც ცემაში მონაწილეობდა. ზოგი არასრულწლოვანი იყო, ზოგი ალბათ დიდიც. ჩვენც გვეშინია, შვილები გვყავს. იქნებ დაინტერესდეთ ამ ამბით. როგორც ვიცით, პოლიციაში დაკითხვაზე იყვნენ უკვე, მაგრამ შედეგი არ ვიცით" — ამბობს მშობელი ქართლის ამბებთან საუბრისას.

ქართლის ამბებს წყარომ ასევე განუცხადა, რომ სავარაუდოდ არასრულწლოვანთან ერთად მის ძმასაც ფიზიკურად გაუსწორდნენ

"ეს ბავშვები სტადიონზე თამაშობდნენ, გაიყვანეს, ძველი შენობის ნანგრევებში და იქ სცემეს სასტიკად. ძმაც ნაცემია," — განაცხადა წყარომ.

ქართლის ამბების ინფორმაციით, გამოძიება 126-ე მუხლით დაიწყო, რაც ჯგუფურ ძალადობას გულისხმობს.