კანის 2025 წლის კინოფესტივალზე ჯგუფ U2-ის სოლისტმა ბონომ თავისი დოკუმენტური ფილმი — "Bono: Stories of Surrender" ("ბონო: დანებების ისტორიები") წარადგინა — წითელ ხალიჩაზე მასთან ერთად გამოჩნდნენ U2-ს გიტარისტი ეჯი, მსახიობი და რეჟისორი შონ პენი და უკრაინელი მებრძოლები.

U2 და შონ პენი კანში

U2 და შონ პენი კანში

ფოტო: Euromaidanpress

ფილმი ბონოს 2022 წლის მემუარებსა და მისივე სოლო შოუზეა დაფუძნებული. პრემიერამ მაყურებლის შვიდწუთიანი ოვაცია დაიმსახურა.

უკრაინულ დელეგაციაში ის მებრძოლები იყვნენ, რომლებიც ასევე აქტიური ხელოვანები არიან: ბანდურისტი და დრონის ოპერატორი ტარას სტოლიარი, საოპერო მომღერალი იური ივასკევიჩი, მევიოლინე და მზვერავი ოლჰა რუკავიშნიკოვა, პრესატაშე ვალერი შიროკოვი და მებრძოლი არტემ პოზნანსკი. ყველა მათგანს საბრძოლო გამოცდილებასთან ერთად მნიშვნელოვანი შემოქმედებითი მიღწევები აქვს.

ფესტივალზე ჯგუფს სოლიდარობის გამოსახატად უკრაინის ღია მხარდამჭერი, მსახიობი და რეჟისორი შონ პენიც შეუერთდა. ფილმის ჩვენების შემდეგ, ბონომ უკრაინელ მებრძოლებს მიმართა:

"მინდა მადლობა გადაგიხადოთ — თქვენ ჩვენი თავისუფლებისთვის იბრძვით. დიდება უკრაინას!"

პრემიერის შემდეგ, უკრაინელმა სამხედროებმა ფესტივალის სტუმრებისთვის შეასრულეს კამერული მუსიკალური პროგრამა შეასრულეს.