შუახევის მუნიციპალიტეტის სოფელ სხეფის საჯარო სკოლის მასწავლებელმა, მარინა დარჩიძემ ფეისბუკით ფოტო გაავრცელა, სადაც პირველი კლასის მოსწავლეები მმართველის პარტიის - ქართული ოცნების დროშებით არიან გადაღებული. მასწავლებელი ტელეკომპანია იმედთან საუბრისას ამბობს, რომ დროშები მის მოსწავლეებს ჰქონდათ და სურათიც მათი თხოვნით გადაიღო.

"კლასში აფრიალებდნენ [დროშებს] ბავშვები, მერე რა მოხდა? მაგას ვერ დავუკვირდი, რომ აგიტაციასავით გამომივიდოდა, მე არასდროს არცერთ პარტიაში არ ვყოფილვარ და არცერთი პარტიის მომხრე ვარ", - განუცხადა მასწავლებელმა ტელეკომპანია იმედს.

აღნიშნული ფოტო მასწავლებლის ფეისბუკის პირად გვერდზე აღარ იძებნება.

On.ge ცდილობს, განათლების სამინისტროსთან გაარკვიოს, მოჰყვა თუ არა რაიმე რეაგირება ფეისბუკით გავრცელებულ სურათებს.