2017 წლის საუკეთესო სერიალი Hulu-ს დრამა მხევლის წიგნი გახდა, რომელიც მარგარეტ ეტვუდის ამავე საელწოდების რომანის ეკრანიზაციაა.

აღსანიშნავია, რომ ამავე სერიალში მთავარი როლის შემსრულებელი ელიზაბეტ მოსი დრამატული სერიალის საუკეთესო ქალ მსახიობად დაასახელეს, დეიდა ლიდიას როლის შემსრულებელი ენ დოუდი კი საუკეთესო მეორეხარისხოვანი როლის შემსრულებელი ქალ მსახიობად დრამატულ სერიალში.

რაც შეეხება შოუს ერთ-ერთ რეჟისორს, რიდ მორენო, რომელსაც ჰოლივუდში მზარდი კარიერა აქვს ახლა უკვე ტელევიზიის ისტორიაშიც შევიდა, როგორც პირველი ქალი რეჟისორი 22 წლის შემდეგ რომელმაც ემი მიიღო.

საუკეთესო დრამატული სერიალის ნომინაციაზე წარდგენილნი იყვნენ:

  • Better Call Saul (AMC)
  • The Crown (Netflix)
  • The Handmaid’s Tale (Hulu) (გამარჯვებული)
  • House of Cards (Netflix)
  • Stranger Things (Netflix)
  • This Is Us (NBC)
  • Westworld (HBO)

მხევლის წიგნში დისტოპიური სამყაროა აღწერილი: ამერიკის შეერთებული შტატები აღარ არსებობს, ძალაუფლება მთლიანად რელიგიური მამაკაცების ხელში აღმოჩნდა და დამყარდა ქრისტიანობის სახელით შენიღბული დიქტატურა.

რელიგიური მოტივებით, ქალებს წაერთვათ საკუთრების ფლობისა და საკუთარი ცხოვრების განკარგვის უფლება. ახლა ქალები კასტებად არიან დაყოფილნი და მთლიანად კაცებისა და ქვეყნის საჭიროებებს ემსახურებიან.

ეტვუდის რომანი ერთგვარი წინასწარმეტყველებაა, მომავალი, რომელიც შესაძლოა დადგეს, თუ რელიგიურ ფანატიზმს თავიანთი ძალაუფლების განსამტკიცებლად გამოიყენებენ, ხოლო რელიგიას საშიშ იარაღად აქცევენ.

რაც მთავარია, წიგნი ერთ თავზარდამცემ სიმართლესაც გვიმხელს, ეტვუდი სარკეში გვახედებს და გვეუბნება, რომ თუ დიდხანს დავხუჭავთ თვალს ძალადობაზე, თუ ჩავთვლით, რომ ახალ ამბებში მოსმენილი და ნანახი ყოველი შემთხვევა ჩვენ არ გვეხება, ერთ მშვენიერ დღეს აუცილებლად გავიღვიძებთ სამყაროში, რომელიც ძალიან არ მოგვეწონება, მაგრამ უკვე აღარავინ იქნება დარჩენილი, ვისაც ეს ააღელვებს.

ამავე თემაზე შეგიძლიათ წაიკითხოთ: