ევროპული საქარველოს მერობის კანდიდატის, ელენე ხოშტარიას თქმით, კახი კალაძეს კორუფციულ სქემებზე პასუხი არ აქვს, რის გამოც მის რეიტინგსა და ოჯახის წვერებზე აკეთებს განცხადებას:

"ბატონო კახი, გაძლევთ გარანტიას, რომ მოგიწევთ პასუხის გაცემა ყველა იმ კორუფციულ გეგმაზე, სადაც თქვენ იქნებით გამოვლენილი. იმიტომ რომ დაუშვებელია ქალაქის მმართველობაში ჩვენ ვიხილოთ ადამიანი, რომელიც ბიზნესინტერესებისთვის იყენებს გაჭირვებული გაუბედურებული ადამიანების ფულს. "

ელენე ხოშტარიამ ქართული ოცნების თბილისის მერობის კანდიდატი კახი კალაძე სამშენებლო მაქინაციებში დაადანაშაულა. კალაძის თქმით, მას არ სურს ხოშტარიისთვის პასუხის გაცემა, რადგან მისი ქმარი "m2-ის დირექტორია":

"მისი ქმარი არის m2-ის დირექტორი თუ რაღაცა. როგორ შეიძლება მე ვუპასუხო ელენე ხოშტარიას, რომელსაც რეიტინგი აქვს ნულზე ქვემოთ."

ელენე ხოშტარიას განცხადებით, მისი ქმარი სამშენებლო კომპანია m2-ის დირექტორი კი არა, დეველოპერული მიმართულების ხელმძღვანელია.

გამომძიებელ ჟურნალისტთა გაერთიანებამ ifact-მა მმართველი გუნდიდან თბილისის მერობის კანდიდატის კახი კალაძის კომპანიისთვის სამშენებლო ნებართვის მიღების შესახებ მასალა გამოაქვეყნა. მასალის მიხევდით, 8-სართულიანი კორპუსის მშენებლობის ნებართვა მერიისგან იქ მიიღო, სადაც კანონით დასაშვები მაქსიმუმი სამი სართულია.