"დემონსტრანტების წინააღმდეგ ძალადობაზე პასუხისმგებელი პირების ანგარიშვალდებულების საკითხი უნდა დადგეს", — ამის შესახებ ამერიკელი სენატის საგარეო საქმეთა კომიტეტის წევრი, სენატორი ჯინ შაჰინი X-ზე წერს.

"მივესალმები დიდი ბრიტანეთის მიერ იმ ქართველი ოფიციალურ პირების წინააღმდეგ სანქციების დაწესებას, რომლებიც თავს არიდებენ თავიანთ მოვალეობას, დაიცვან ქართველი ხალხის უფლებები. დემონსტრანტების წინააღმდეგ ძალადობაზე პასუხისმგებელი პირების ანგარიშვალდებულების საკითხი უნდა დადგეს", — წერს ჯინ შაჰინი.

შეგახსენებთ, რომ მიმდინარე წლის 10 აპრილს დიდმა ბრიტანეთმა ქართული ოცნების ხელისუფლების ოთხი მაღალჩინოსანი დაასანქცირა.

დიდი ბრიტანეთის ფინანსური სანქციების განხორციელების სამსახურის ვებგვერდის მიხედვით დასანქცირდნენ:

შალვა ბედოიძე — საქართველოს შინაგან საქმეთა მინისტრის მოადგილე;

მირზა კეზევაძე — შსს-ის განსაკუთრებულ დავალებათა დეპარტამენტის უფროსის მოადგილე;

კარლო კაციტაძე — სპეციალური საგამოძიებო სამსახურის უფროსი,

გიორგი გაბიტაშვილი — გენერალური პროკურორი.

მათი განმარტებით, სანქციების ეს პაკეტი მიმართულია საქართველოს ოფიციალური პირების მიმართ, რომლებიც პასუხისმგებელნი არიან ადამიანის უფლებების სერიოზულ დარღვევებზე, 2020 წლის ადამიანის უფლებების გლობალური სანქციების რეგულაციის თანახმად.

სანქციები ითვალისწინებს აქტივების გაყინვას და სამოგზაურო აკრძალვას.

დიდმა ბრიტანეთმა ოცნების 4 მაღალჩინოსანი დაასანქცირა