"ევროკავშირი მოუწოდებს მოქალაქეებს, რომ ომის რისკთან დაკავშირებით 72 საათის მარაგი იქონიონ", — ამ სათაურის სტატია CNN-მა დღეს, 26 მარტს გამოაქვეყნა.

25 მარტს კი Reuters წერდა, რომ ევროკომისიამ ევროკავშირის მზადყოფნის ახალ სტრატეგია შეიმუშავა. სადაც წერია, რომ ბლოკი ემზადება რისკებისთვის, როგორიცაა ბუნებრივი კატასტროფები, კიბერშეტევები და გეოპოლიტიკური კრიზისები, მათ შორის ევროკავშირის ქვეყნების წინააღმდეგ შეიარაღებული აგრესიის შესაძლებლობის ჩათვლით. ამიტომ, ევროპამ უნდა გააძლიეროს კრიტიკულად მნიშვნელოვანი აღჭურვილობის მარაგი და მოუწოდებს საზოგადოებას საგანგებო სიტუაციების შემთხვევაში მინიმუმ 72 საათისთვის საკმარისი მარაგი იქონიოს.

"წყალდიდობის ზონაში მცხოვრებმა ოჯახებმა უნდა იცოდნენ, რა უნდა გააკეთონ, როდესაც წყალი მოიმატებს. ადრეული გაფრთხილების სისტემებს შეუძლიათ ხელი შეუშალონ ტყის ხანძრის შედეგად დაზარალებულ რეგიონებს ძვირფასი დროის დაკარგვაში", — თქვა ევროკომისიის პრეზიდენტმა ურსულა ფონ დერ ლაიენმა განცხადებაში.

სტრატეგია ფოკუსირებულია ადრეული გაფრთხილების სისტემების გაუმჯობესებაზე, ისეთი აუცილებელი სერვისების უწყვეტობის უზრუნველყოფაზე, როგორიცაა ჯანდაცვა და სასმელი წყალი და ეხმარება მოქალაქეებს კრიზისებზე რეაგირებისთვის.

ჰაჯა ლაბიბმა, ევროკომისარმა, რომელიც პასუხისმგებელია მზადყოფნისა და კრიზისების მენეჯმენტზე, თქვა, რომ შეშფოთება ბლოკში განსხვავებულია, მაგრამ ყველა მოქალაქემ თავისი წვლილი უნდა შეიტანოს იმაში, რომ მოემზადოს საგანგებო სიტუაციებისთვის.

"მზად ვართ ყველაფრისთვის — ეს უნდა იყოს ჩვენი ახალი ევროპული ცხოვრების წესი", — წერს ის X-ზე გამოქვეყნებულ პოსტში.

ახალი სტრატეგიის სამოქმედო გეგმის მიხედვით, კომისია ახლა "შეიმუშავებს გაიდლაინებს მოსახლეობის თვითკმარობის მინიმუმ 72 საათის მისაღწევად."

სოციალურ მედიაში გამოქვეყნებულ ვიდეოში ლაჰბიბმა ჩამოთვალა მნიშვნელოვანი ნივთები, რომლებიც უნდა ჰქონდეს ადამიანს კრიზისის დროს 72 საათის განმავლობაში. ეს ნივთებია: საკვები, წყალი, ფანარი, რადიო, ნაღდი ფულით და მედიკამენტებით.