ირაკლი რუხაძემ ინგლისის უზენაეს სასამართლოში დავა წააგო, მას $170 მლნ-ის კომპენსაციის გადახდა დაეკისრა. ინფორმაციას bm.ge ავრცელებს.

2025 წლის 19 მარტს ინგლისისა და უელსის სასამართლოს უზენაესმა პალატამ ძალაში დატოვა 2023 წლის 21 მარტის სააპელაციო სასამართლოს განაჩენი, რომელიც მას და მის ბიზნესპარტნიორებს — ბენჟამენ მარსონსა და იგორ ალექსეევს მრავალმილიონიანი კომპენსაციების გადახდას აკისრებს კომპანიების Revoker-ისა და Recovery Partners-ის მიმართ.

მთლიანობაში ირაკლი რუხაძისა და მისი ბიზნესპარტნიორების მიერ გადასახდელი კომპენსაცია დარიცხული პროცენტისა და იურიდიული ხარჯების ანაზღაურების გათვალისწინებით უკვე 170 მილიონ დოლარს აღემატება. საქმეზე 2021 წელს მიღებული განაჩენით, რუხაძის აქტივების ნაწილი დაყადაღებულიც იყო.

საქმე ჯერ კიდევ 2018 წლის ნოემბერში მიღებულ განაჩენს უკავშირდება, რომლითაც ინგლისის სასამართლომ დაადგინა, რომ რუხაძემ და მისმა ბიზნესპარტნიორებმა ჩაიდინეს "კომერციული შეთქმულება", რომლის შედეგადაც კომპანიებმა, Recovery Partners GP Limited-მა და Revoker LLP-მა "მილიარდიანი პროექტის" განხორციელების შესაძლებლობა დაკარგეს.

საუბარია ბადრი პატარკაციშვილის მრავალ მილიარდიან აქტივებზე, რომლის მართვასაც ბიზნესმენის გარდაცვალებამდე პატარკაციშვილის მთავარი ფინანსისტი იუჯინ ჯაფი და კომპანია Salford Capital Partners International-ი ახორციელებდნენ.

სრულად ნახეთ აქ.

ირაკლი რუხაძეზე მეტი წაიკითხეთ აქ:

ნიდერლანდების პარლამენტში "ტვ იმედის" მშობელი კომპანიის საქმიანობას განიხილავენ — სადეპუტატო კითხვები 13 მარტს დარეგისტრირდა

სანქციები ივანიშვილის ოჯახს, ვასილ მაღლაფერიძეს, თინათინ ბერძენიშვილს, ირაკლი რუხაძეს — რა წერია ევროკავშირის რეზოლუციის პროექტში?

ბოროტების მანქანის რგოლი: ტელეკომპანია "იმედის" ყოფილი თანამშრომლები "ქართული ოცნების" პიარ-მანქანის მუშაობაზე

ირაკლი რუხაძე: [ეკონომიკა] არ ინგრევა, ყველაფერი მიდის მშვენივრად

TI: დასანქცირების შემთხვევაში, სანქციებში მოჰყვება ივანიშვილების ოჯახის 95-ზე მეტი ქართული კომპანია

ივანიშვილის გარემოცვა, თურნავა, "რიჟა", სხვა ბიზნესმენები — ვისი სია გაუგზავნეს მარკო რუბიოს, აშშ-ის მომავალ სახელმწიფო მდივანს

ირაკლი რუხაძე: პრემიერს ვუთხარი, რომ ჩვენ გულისყურით გისმენდით და არ გაწყვეტინებდით, [ეს] არ უნდა გადაითარგმნოს იმაში, რომ ყველას გვესმის რას გვიყვებით, ან ყველა ვეთანხმებით

ირაკლი რუხაძე: შესაძლებელია, უფრო უკეთესი ყოფილიყო უფრო გამაერთიანებელი ადამიანი ყოფილიყო არჩეული, რომელიც დასავლეთთან უფრო კონსტრუქციულად მუშაობდა, ვიდრე “ხალხის ძალა”