ბოლო დროს ქართველების დაინტერესება აზიური სამზარეულოს მიმართ სულ უფრო და უფრო იზრდება. საქართველოს მასშტაბით უკვე ათეულობით აზიური კაფე-რესტორანია გახსნილი, რომელსაც უამრავი მომხმარებელი სტუმრობს. აზიური სამზარეულო გამოირჩევა როგორც მისი მომაჯადოებელი გემოთი, ისე ჯანსაღი პროდუქტების სიმრავლით. აღსანიშნია, რომ ბაზარზე, მოთხოვნის მხრივ, აზიური სამზარეულოს მთავარი კერძი სუშია, რომელიც სხვადასხვა დაწესებულებაში განსხვავებული მეთოდით მზადდება. მიუხედავად ამისა, დიდი ხნის განმავლობაში მისი გამოძახება და სასურველ ადგილზე მიღება დიდ პრობლემას წარმოადგენდა, თუმცა ეს უკვე წარსულში დარჩა...

ქართველი ახალგაზრდების მიერ დაფუძნებული კომპანია, რომელსაც უკვე ჰქვია და თავისი სერვისის წყალობით, მომხმარებლების დიდ სიმპათიებსა და ინტერესს იმსახურებს. უკვე წარმოადგენს აზიური სამზარეულოს სწრაფი კვების ობიექტს, რომელიც აერთიანებს ონლაინ შეკვეთებს, ადგილზე მიტანისა და წაღების სერვისს.

კომპანიის დაფუძნებაზე ფიქრი ახალგაზრდებმა მას შემდეგ დაიწყეს, რაც ამ ბაზარზე არსებულმა პრობლემებმა თავად შეუქმნეს დისკომფორტი. ერთ მშვენიერ საღამოს, როცა მეგობრები სახლში იყვნენ შეკრებილნი და საუბრობდნენ სხვადასხვა თემებზე, გადაწყვიტეს სუში გამოეძახებინათ. იმ დროს არსებულმა სერვისმა იმდენად გააწბილა ისინი, რომ რაიმე ახლის დაფუძნების იდეა გაუჩნდათ.

ამის შემდეგ, ახალგაზრდებმა ბაზარი საფუძვლიანად შეისწავლეს და მოქმედებაზე გადავიდნენ.

სუშის ფასების დაწევა და ხელმისაწვდომობა კომპანიამ მთავარ ამოცანად დაისახა. ამასთან, მათ სურდათ, რომ ფასების გამო არ გაფუჭებულიყო ხარისხი. ბრენდის ჩამოყალიბების პროცესში, ახალგაზრდებმა მიაღწიეს იმას, რომ დღეს სუში აღარ არის ფუფუნების საგანი და ნებისმიერ მსურველს შეუძლია მიირთვას ის, თანაც მაღალი ხარისხის პროდუქტებით დამზადებული.

უკვე კერძების მოსამზადებლად მაღალი ხარისხის ინგრედიენტებს იყენებს და ხარისხისა და ფასის საუკეთესო შეფარდება აქვთ. სუში კეთდება იაპონური უმაღლესი ხარისხის ბრინჯით, თევზი კი შემოწმებულია. უკვეს აზიური ყუთის კერძები იწვება 100%-იან სიმინდის ზეთზე, ქათამი ქართულია და ბოსტნეული ყოველთვის ახალი და საღი. უკვე იყენებს კიკომანის ბრენდის სოიოს სოუსს, ისინი არ იყენებენ კონსერვირებულ ბოსტნეულსა და გემოს გამაძლიერებლებს.

უკვეს კერძების შეკვეთა კომპანიის ოფიციალურ გვერდზე, Ukve.ge-ზე შეგიძლიათ. შეკვეთისთვის პირველ რიგში უნდა აირჩიოთ უბანი თუ სად გსურთ პროდუქტის მიღება. კერძების შერჩევა საიტის მთავარ გვერდზე შეგიძლიათ, საიდანაც მარტივად შეძლებთ შეკვეთის გაგრძელებას. მას შემდეგ, რაც კერძების შერჩევას დაასრულებთ, უნდა შეარჩიოთ გადახდის მეთოდი. ვებ-გვერდის ზედა მარჯვენა კუთხეში კალათა განთავსებული. გადაამოწმეთ თქვენი შეკვეთა და იხილეთ საბოლოო ფასი. იმისათვის რომ შეძლოთ გადახდა აუცილებლად უნდა გაიაროთ რეგისტრაცია. რეგისტრაციის გავლის შემდეგ აირჩიეთ გადახდის მეთოდი (ბარათი ან ნაღდი ფული) და შეავსეთ მისამართის ველი. ასევე, თქვენ შეგიძლიათ კერძებთან დაკავშირებული განსაკუთრებული მოთხოვნები კომენტარების ველში დაწეროთ.

ამ საფეხურების გავლის შემდეგ, მაქსიმუმ ორმოც წუთში თქვენ მიიღებთ შეკვეთას სასურველ ადგილას.

საიტზე ნახავთ სხვადასხვა სახეობის სუშისა და სხვა აზიურ კერძებს, როგორიცაა - ორაგულის როლი (ცხარე), შებოლილი ორაგულის როლი, ორაგულის ნიგირი, ცხარე ორაგულის მაკი და სხვ.

რაც შეეხება ობიექტებს - კომპანია ჯერჯერობით მხოლოდ თბილისში ოპერირებს და ამჟამად ორ ობიექტს ფლობს. კომპანია სამომავლოდ კიდევ ათი ობიექტის გახსნას გეგმავს და სურს, რომ მთელი საქართველო მოიცვას.

უკვესთვის მიმდინარე წელი ძალიან მნიშვნელოვანია, რადგან ისინი 2017 წლის ბიზნეს დაჯილდოებაში იღებენ მონაწილეობას. წარმატებული კომპანიის შემქმნელები იმ ადამიანებს შორის არიან, რომლებიც #გააზიარეწარმატების ფარგლებში დამწყებ სტარტაპერებს მოტივაციას აძლევენ და ამის პარალელურად, დაჯილდოებაში მნიშვნელოვანი პრიზის მოპოვებისთვის იბრძოლებენ.

შეგახსენებთ, რომ #გააზიარეწარმატება - ამ სლოგანით საქართველოს ისტორიაში ყველაზე მასშტაბური ბიზნესდაჯილდოება, თიბისი ბანკისა და ჯეოსელის ორგანიზებით, წელს მეორედ გაიმართება. შვიდ ნომინაციაში კონკურსანტების რეგისტრაცია უკვე დასრულებულია და ის ვებგვერდზე businessaward.ge-ზე მიმდინარეობდა.