პარასკევს, 14 მარტს, ინგლისის ბანკის ყოფილმა გუბერნატორმა მარკ კარნიმ ოფიციალურად დადო ფიცი კანადის პრემიერმინისტრის პოსტზე. ამის შესახებ კანადის პრემიერმინისტრის ვებგვერდი იუწყება.

"ჩვენ ვცვლით ყველაფერს, რომ ჩვენმა მთავრობამ შეძლოს სერვისების მიწოდება კანადელებისთვის უფრო სწრაფად და ჩვენ გვყავს გამოცდილი გუნდი, რომელიც შეესაბამება იმ კონკრეტულ მოცემულობას, სადაც ჩვენ ვიმყოფებით. ჩვენი მთავრობა ერთიანი და ძლიერია და ჩვენ ვიწყებთ მუშაობას", — წერია ოფიციალურ პრესრელიზში.

9 მარტს კარნი კანადის მმართველი ლიბერალური პარტიის ახალ ლიდერად აირჩიეს. შიდაპარტიული კენჭისყრის შედეგებით მან პარტიის წევრების ხმების 85,9% მიიღო. პროცედურა ჯასტინ ტრუდოს გადადგომის შემდეგ მოეწყო, მას შემდეგ, რაც ის ქვეყანას ათი წლის განმავლობაში ხელმძღვანელობდა. მისი წასვლის მიზეზი მიგრაციული პოლიტიკის კრიტიკა და ქვეყანაში ინფლაციის დონით უკმაყოფილება გახდა.