რუსეთის ფედერაციის პრეზიდენტმა, ვლადიმერ პუტინმა ბელარუსის პრეზიდენტთან, ალექსანდ ლუკაშენკოსთან, ერთობლივი ბრიფინგი გამართა, რომელზეც განიხილეს აშშ-ისა და უკრაინის მიერ შემოთავაზებული ცეცხლის შეწყვეტის 30-დღიანი შეთანხმების პირობები. პუტინმა განაცხადა, რომ სამხედრო მოქმედებების დროებითი შეწყვეტის მომხრეა, თუ ამ პერიოდში "კონფლიქტის ძირეული მიზეზები აღმოიფხვრება".

"ვეთანხმებით ცეცხლის შეწყვეტის შესახებ წინადადებას, რათა მსხვერპლი შეწყდეს, მაგრამ იმ ფაქტიდან გამოვდივართ, რომ ამ ცეცხლის შეწყვეტამ ხანგრძლივ მშვიდობამდე უნდა მიგვიყვანოს და ამ კრიზისის ძირეული მიზეზები უნდა აღმოფხვრას", — განაცხადა პუტინმა.

პუტინმა არ გამორიცხა მორიგი სატელეფონო საუბარი დონალდ ტრამპთან, რადგან, მისი აზრით, არის ნიუანსები, რომლებიც დაზუსტებას საჭიროებს.

"ვინ გასცემს ცეცხლის შეწყვეტის შესახებ ბრძანებას? და რა წონის იქნება ეს ბრძანებები ფრონტის 2000 კილომეტრის გასწვრივ? ვინ გადააწყვეტს, ვის დაჰბრალდება 2000-კილომეტრიან ხაზზე თუ შეთანხმება დაირღვევა? ვის დაჰბრალდება ცეცხლის შეწყვეტის დარღვევა? ყველა ეს საკითხი ყურადღებით, დეტალურად უნდა იქნას შესწავლილი ორივე მხარეს მიერ. ასე რომ, იდეა კარგია, და ჩვენ სრულიად ვუჭერთ მას მხარს, მაგრამ არის საკითხები, რომლებიც უნდა განვიხილოთ და, ვფიქრობ, მოლაპარაკებები გვჭირდება ჩვენს ამერიკელ კოლეგებთან და პარტნიორებთან, შეიძლება სატელეფონო ზარი პრეზიდენტ ტრამპთან, მაგრამ ამ კონფლიქტის მშვიდობიანი გზით გადაჭრის იდეას მხარს ვუჭერთ", — განაცხადა პუტინმა.