აშშ-ში დაბრუნებულმა სახელმწიფო მდივანმა, მარკო რუბიომ ჟურნალისტებთან განაცხადა, რომ რუსეთს 30-დღიანი ცეცხლის შეწყვეტის შესახებ შეთავაზებას დღეს წარუდგენს.

რუბიომ ისაუბრა საუდის არაბეთში უკრაინულ დელეგაციასთან შეხვედრის დეტალებზე ისაუბრა — მან განაცხადა, რომ შეხვედრაზე განხილული იყო ტერიტორიული დათმობებიც.

სახელმწიფო მდივნის განცხადებით, აშშ იმედოვნებს, რომ რუსეთი შეთავაზებას დათანხმდება და ის მოუწოდებს პუტინს, რომ შეწყვიტოს ომი, რათა დასრულდეს ადამიანების სიკვდილი და ტყვიების ზუზუნი.

"თუ რუსეთი შეტავაზებაზე უარს იტყვის, ეს ბევრ რამეს გვეტყვის მათი მიზნებისა და განწყობის შესახებ. არ არსებობს ამ კონფლიქტის სამხედრო გადაწყვეტა, არც ერთ მხარეს შეუძლია, მიაღწიოს სამხედრო ძალით მიზნებს სრულად. ჩვენ გვსურს, მივაღწიოთ უკრაინის ხანგრძლივ უსაფრთხოებას — რა აზრი აქვს მთელი ამ დროის გამოყენებას ცეცხლის შეწყვეტის მისაღწევად, თუ ექვს, ოთხ ან სამ წელიწადში ომი ისევ უნდა განახლდეს? უკრაინას სჭირდება საიმედო გარანტიები მომავალი თავდაცვისა და შემოჭრების შესაკავებლად, მსოფლიოს ყველა ქვეყანას აქვს თავდაცვის უფლება. უკრაინელებმა ძალიან ცხადად განაცხადეს, რომ საქმე არ ეხება მხოლოდ ომის დასრულებას, მათ სურთ სამხედრო ტყვეებისა და ბავშვების უკან დაბრუნება", — განაცხადა მარკო რუბიომ.