თბილისის საქალაქო სასამართლოში საპროტესტო აქციებზე სისხლის სამართლის წესით დაკავებული 11 პირის სასამართლო პროცესი მიმდინარეობს. განსასჯელის სკამზე სხედან: ანდრო ჭიჭინაძე, ონისე ცხადაძე, ჯანო არჩაია, რუსლან სივაკოვი, ლუკა ჯაბუა, გურამ მირცხულავა, ვალერი თეთრაშვილი, გიორგი ტერიშვილი, ირაკლი ქერაშვილი, რევაზ კიკნაძე, სერგეი კუხარჩუკი.

დღევანდელ წინასასამართლო სხდომაზე მხარეები მტკიცებულებების დასაშვებობაზე იმსჯელებენ, გადაისინჯება აღკვეთის ღონისძიება და დაინიშნება არსებითი განხილვის თარიღი.

შეგახსენებთ, 11-ვე დაკავებულს ბრალი საქართველოს სისხლის სამართლის კოდექსის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს. მუხლი სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

ცნობისთვის, 10 იანვარს საქალაქო სასამართლომ განიხილა აღკვეთის ღონისძიების სახით გამოყენებული პატიმრობის ძალაში დატოვების საკითხი და მოსამართლემ 11-ვე ბრალდებული პატიმრობაში დატოვა.

პროევროპული აქციისას დაკავებული 11 მოქალაქე პატიმრობაში რჩება — მოსამართლე ჯაჭვაძის გადაწყვეტილება

მსახიობ ანდრო ჭიჭინაძის ადვოკატის, თორნიკე მიგინეიშვილის თქმით, სასამართლომ დააკმაყოფილა პროკურატურის დაუსაბუთებელი შუამდგომლობა და ანდრო ჭიჭინაძის პროცესი 5 მარტისთვის გადადო .

თორნიკე მიგინეიშვილის თქმით, საქმეები გაერთიანდა ერთ წარმოებად უკანონოა.

"დაპატიმრებული პირები ერთმანეთს არ იცნობენ, მაშინ როცა ბრალად წარდგენილი აქვთ ჯგუფურ ძალადობაში მონაწილეობა. გამოძიებამ 11 პირის სისხლის სამართლის საქმე ხელოვნურად გააერთიანა. ამით პროკურატურა ქმნის ხელოვნურ სურათს რომ საქმე მოცულობითია (დიდია) და სურს მუდმივად ამ არგუმენტით მოითხოვოს პროცესის გადადება.

ანდრო ჭიჭინაძის დაკავებიდან 1 თვეზე მეტია გასული (გამოძიების დაწყებიდან კი უფრო მეტი), გამოძიების ორგანო კი ამბობს რომ მტკიცებულებების მოსაპოვებლად დრო საკმარისი არ არის", — წერს ანდრო ჭიჭინაძის ადვოკატი.

ასევე იხილეთ:

თბილისის საქალაქო სასამართლოში პროევროპული აქციების დროს დაკავებული 11 პირის სასამართლო პროცესის დაიწყო

ანდრო ჭიჭინაძე სასამართლო სხდომაზე: ჩვენ ადამიანებად გვაყალიბებს არა მხოლოდ წარსული, არამედ როგორ აღვიქვამთ და ვხედავთ მომავალს

შეხედეთ ბრალდებულებს, ჯერ არ შეგიხედავთ, ჰგვანან იმ მონსტრებს როგორადაც მათ სახელმწიფო ბრალდება სახავს? — ონისე ცხადაძის ადვოკატი მოსამართლეს