კანადის პრემიერმინისტრმა ჯასტინ ტრუდომ საგანგებო პრესკონფერენციაზე ისაუბრა აშშ-ის მიერ კანადისთვის სავაჭრო ტარიფების დაწესებაზე, დაგმო ეს საქციელი და მეზობელ სახელმწიფოს საპასუხო ტარიფები დაუწესა.

"შეერთებულმა შტატებმა სავაჭრო ომი დაიწყო კანადის, მისი უახლოესი პარტნიორისა და მოკავშირის, მისი უახლოესი მეგობრის წინააღმდეგ. ამავდროულად ისინი რუსეთთან პოზიტიურად მუშაობაზე ლაპარაკობენ, შემწყნარებლები არიან ვლადიმირ პუტინის: მატყუარა, მკვლელი დიქტატორის მიმართ. სცადეთ აქედან აზრის გამოტანა", — განაცხადა ჯასტინ ტრუდომ.

პრემიერმინისტრმა განაცხადა ისიც, რომ კანადის ტარიფები ძალაში იქნება იქამდე, სანამ აშშ უკან არ გაიწვევს გადადგმულ ნაბიჯს.

"კანადელები პასუხისმგებლიანი და ზრდილობიანი ხალხია, მაგრამ ბრძოლიდან უკან არ დავიხევთ, როდესაც ჩვენი ქვეყნისა და ხალხის კეთილდღეობა სასწორზე დევს. ჩვენ ტარიფებს არ გავიწვევთ იქამდე, სანამ ამას შეერთებული შტატები არ გააკეთებს", — განაცხადა ტრუდომ.