თეთრი სახლის მიერ გავრცელებული ინფორმაციით, დონალდ ტრამპმა რუსეთის მიერ უკრაინაში შეჭრის გამო 2014 წლიდან დაწესებული სანქციები კიდევ ერთი წლით გაახანგრძლივა.

სანქციების არსებული რეჟიმი 2014 წლიდან, რუსეთის მიერ ყირიმის ანექსიიდან ფუნქციონირებს და ის აშშ-ის 44-ე პრეზიდენტმა ბარაკ ობამამ დააწესა — მოგვიანებით კი 2018 და 2022 წლებში უფრო გაფართოვდა.

დონალდ ტრამპის მიერ ხელმოწერილ აღმასრულებელ ბრძანებაში ვკითხულობთ, რომ რუსეთის ფედერაცია თავისი მოქმედებებით აშშ-ის ეროვნული უსაფრთხოებისა და საგარეო პოლიტიკისთვის საფრთხის შექმნას აგრძელებს, რაც საგანგებო სიტუაციის კიდევ 1 წლით გაგრძელების საფუძველია.