ჯამალა: ყოველი დღე გვახსენებს, რომ ადრინდელი მშვიდობიანი ცხოვრება ბრძოლით მოსაპოვებელია

24 Feb. 2025, 18:00

24 თებერვალი უბრალოდ თარიღი არაა. ესაა დღე, როცა ჩვენი ცხოვრება სამუდამოდ შეიცვალა. სრულმასშტაბიანი ომის სამმა წელმა ენით უთქმელი სირთულეები მოიტანა — ყოველი დღე გვახსენებს, რომ ადრინდელი მშვიდობიანი ცხოვრება საჩუქარი კი არა, ბრძოლით მოსაპოვებელი ჯილდოა. როცა ამბობენ, ალბათ შეეგუვნენო, პასუხი ყოველთვის ერთია: არა, არ შევეგუეთ. არ და ვერ შევეგუებით ტკივილს და დანაკარგს, რაკეტების ხმასა და განგაშის სიგნალს, რომლის გაგონებაზეც გული შიშით გვევსება.

ყოველთვის, როცა თვალებს ვხუჭავ, იმაზე ვფიქრობ, სად დავმალო შვილები. შეიძლება ბედს მივენდოთ, როცა ყოველი წამი გაურკვევლობითაა სავსე? რასაკვირველია, მინდა, მსოფლიომ დაგვინახოს, გაგვიგოს და დაგვეხმაროს, მაგრამ მერე ვუფიქრდები: "მოიცადე, ვინ არის ეს მსოფლიო?". ასე რომ, ყველაფერი მაინც შენით იწყება — მსოფლიო ხართ შენ და შენი ოჯახი, და თავად გიწევს, ყველაფერი გააკეთო შენთვის ღირებულის დასაცავად.

და მაინც, რამდენ ხანს შეიძლება სხეულმა და გონებამ გაუძლონ ამ მუდმივი დაძაბულობის მდგომარეობას, როცა ყოველი დღე ამტანობის გამოცდაა?

თუმცა, ყველაფრის მიუხედავად, ცხოვრებას ვაგრძელებთ, ისევ გვიყვარს და ისევ გვჯერა ნათელი მომავლისა, სადაც ჩვენი შვილები მშვიდობიანად იცხოვრებენ. არ მინდა, ომმა ჩვენი ადამიანობა და ძლიერება დაჩრდილოს. ჩვენი ტკივილი მეხსიერებაში ცოცხლობს, ჩვენი ბრძოლა კი არის ნაბიჯი იმ ცხოვრების დასაბრუნებლად, სადაც მუდმივ შიშსა და შფოთვას არ ვყავართ შეპყრობილნი.

ბოლო ამბები:

ჯამალა ჯამალა: ყოველი დღე გვახსენებს, რომ ადრინდელი მშვიდობიანი ცხოვრება ბრძოლით მოსაპოვებელია

კომენტარები

კვირის ტოპ-5

გირჩევთ

ახლა კითხულობენ

არქიმ და NEXT-მა პოლონეთის დედაქალაქ ვარშავაში ერთობლივი ოფისი გახსნეს